ផ្កាយរណបតាមដានពីចម្ងាយ ERS-2 ដែលជាផ្កាយរណបឃ្លាំមើលធម្មជាតិទី ២របស់ទីភ្នាក់ងារអវកាសអឺរ៉ុប(ESA) បានវិលត្រឡប់មកកាន់បរិយាកាសផែនដីវិញ ក្រោយចំណាយពេល ១៦ឆ្នាំ នៅក្នុងទីអវកាស ។

ផ្កាយរណប ERS-2 ត្រូវបានបាញ់បង្ហោះចេញពីមជ្ឈមណ្ឌលអវកាសអឺរ៉ុប ស្ថិតក្នុងទីក្រុង Kourou ដែនដីហ្គីយ៉ាណារបស់បារាំង កាលពីឆ្នាំ ១៩៩៥ ហើយវាប្រមូលបានទិន្នន័យពីផ្ទៃផែនដី ទឹកកកប៉ូលរួមតូចរបស់ផែនដី ការកើនឡើងនីវ៉ូទឹកសមុទ្រ និងការឡើងកម្តៅមហាសមុទ្រ ។

ផ្កាយរណបនេះ បានតាមដានផងដែរគ្រោះមហន្តរាយធម្មជាតិ និងផលវិបាកនៃបម្រែបម្រួលអាកាសធាតុ ក៏ដូចជាគ្រោះទឹកជំនន់ធ្ងន់ធ្ងរ ។

កាលពីឆ្នាំ ២០១១ ទីភ្នាក់ងារ ESA បានសម្រេចចិត្តបញ្ចប់បេសកកម្មរបស់ផ្កាយរណប ERS-2 ដើម្បីកាត់បន្ថយហានិភ័យនៃការបុកជាមួយផ្កាយរណបផ្សេងទៀត ៕