​ប្រណាំង​កង់​៖ ​កីឡាករ​ប៊ែ​ល​ហ្ស៊ិ​ក Wout van Aert បន្ត​ប្រជែង​ឈ្នះ​ដំណាក់កាល​ទី ១១ នៃ​ការប្រកួតប្រណាំង​កង់ Grand Tour, Tour de France ខណៈដែល​អ្នកការពារ​តំណែង​ជើងឯក Tadej Pogacar នៅតែ​បន្ត​នាំមុខគេ​ក្នុង​តារាង​រួម​។

​​ដំណាក់កាល​ទី ១១ ដែលមាន​ចម្ងាយ​ផ្លូវ ១៩៨.៩​គីឡូម៉ែត្រ ជា​ដំណាក់កាល​ឆ្លងកាត់​ស្ថាន​ភាព​ផ្លូវ​ភ្នំ​នោះ កីឡាករ​ដែល​ជិះ​ឱ្យ​ក្រុម Jumbo-Visma, Wout van Aert បានមក​ដល់ទី​ព្រ័ត្រ​មុនគេ​ប្រើពេល ៥ម៉ោង ១៧នាទី ៤៣វិនាទី តាម​ពីក្រោយ​ដោយ​កីឡាករ​ម្ចាស់ផ្ទះ​បារាំង Kenny Elissonde របស់​ក្រុម Trek យឺត​ជាង ១នាទី ១៤វិនាទី និង​លេខ៣ កីឡាករ​ហូ​ឡង់ Bauke Mollema តាម​ពីក្រោយ ១នាទី ១៤វិនាទី​ដូចគ្នា​។​

​​យ៉ាងណាក្តី​ក្រោយ ១១ដំណាក់កាល​នេះ អ្នកការពារ​តំណែង​ជើងឯក​កីឡាករ​ស្លូ​វេ​នី​របស់​ក្រុម UAE Team Emirate, Tadej Pogacar នៅតែ​បន្ត​នាំមុខគេ​ដដែល​ដោយមាន​វេលា​ចំណេញ​ពីលើ​អ្នក​ក​លេខ២ កីឡាករ​កូ​ឡុំ​ប៊ី Rigoberto Uran យឺត​ជាង ៥នាទី ១៨វិនាទី​ និង​លេខ៣ កីឡាករ​ដា​ណឺ​ម៉ាក Jonas Vinegaard យឺត​ជាង ៥នាទី ៣២វិនាទី​។ ​សំរាប់​ដំណាក់កាល​ទី ១២ ថ្ងៃ​ព្រហស្បតិ៍​នេះ​មាន​ចម្ងាយ​ផ្លូវ ១៥៩.៤​គីឡូម៉ែត្រ ជា​ដំណាក់កាល​ឆ្លងកាត់​ស្ថានភាព​ផ្លូវរាបស្មើ​៕

​អត្ថបទ​៖​នាង សុភា​វុ​ធ