L

យានដ្រូនអាចនឹងហោះហើរក្នុងពេលឆាប់ៗក្នុងក្រុងសាន់ ហ្រ្វាន់ស៊ីស្កូ (San Francicsco) ដោយស្ថិតក្រោមការត្រួតពិត្យដោយផ្ទាល់របស់សមត្ថកិច្ចក្រុងរួមជាមួយបច្ចេកវិទ្យាស៊ើបការផ្សេងទៀត ប្រសិនបើវិធានការបោះឆ្នោតដ៏ចម្រូងចម្រាស់នេះត្រូវបានអនុម័តដោយអ្នកស្រុកក្នុងក្រុងនេះនៅក្នុងខែមីនា

ខាងមុខ។

សំណដែលមានឈ្មោះថា"ក្រុងសាន់ ហ្វ្រាន់ស៊ីស្កូ កាន់តែមានសុវត្ថិភាព" ត្រូវបានគេស្គាល់ផងដែរថាPropE ដែល មានឡើងស្របពេលបញ្ហាគ្រឿងញៀន និងអំពើឧក្រិដ្ឋកម្ម បានឈានទៅដល់ចំណុចក្តៅគគុកក្នុង ក្រុងដែលមានទំនោរបែបឆ្វេងនិយមតាមប្រពៃណីយនោះ។

ចៅហ្វាយក្រុង លោកស្រីឡុងដុង ព្រីត (London Breed) កំពុងមានជំនឿយ៉ាងមុតមាំថា ពលរដ្ឋដែលមិនពេញចិត្ដ នឹងបោះឆ្នោតតាមសំណើនោះ។

លោកស្រីបន្ដថា លោកស្រីរំភើបចំពោះយានដ្រូនទាំងនោះ ពីព្រោះនៅពេលដែលអ្នកហៅទូរស័ព្ទទៅលេខ៩១១ អ្នកចង់អោយអ្នកណាម្នាក់ទៅដល់ទីនោះភ្លាមៗ។ ដូច្នេះ យានដ្រូនផ្ដល់ឲ្យយើងនូសមត្ថភាពចូលទៅដល់រហ័សជាងអ្វីផ្សេងទៀត ដូច្នេះយើងពិតជាអាចតាមដានស្ថានការណ៍ដោយផ្ទាល់។

វិធានការនេះ នឹងមិនគ្រាន់តែមិនអនុញ្ញាតឲ្យនគរបាលប្រើប្រាស់កាមេរ៉ាសុវត្ថិភាពនិងយានដ្រូនថតវីដេអូឈ្លបយកការប៉ុណ្ណោះទេ ប៉ុន្ដែវាក៏នឹងមានការពាក់ព័ន្ធនឹងការប្រើប្រាស់បច្ចេកវិទ្យាចំណាំមុខនិងបញ្ញាសិប្បនិមិត្តឬAI ផងដែរ។

ហើយវិធានការនេះនឹងមានន័យថាជាការទាត់ចោលបម្រាមឆ្នាំ២០១៩ នៅក្នុងក្រុងសាន់ ហ្វ្រាន់ស៊ីស្កូលើបច្ចេកវិទ្យាឈ្លបយកការណ៍ដោយម៉ាស៊ីនចំណាំមុខដោយទីភ្នាក់ងានានារបស់រដ្ឋាភិបាលដោយសារតែមានការព្រួយបារម្ភពីឯកជនភាព និងការប្រើប្រាស់ខុសគោលដៅរបស់ខ្លួន៕