ភ្នំពេញ៖ ស្ថិតនៅខេត្តអត្តពើ ប្រទេសឡាវ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធាន CLV DTA JCC សម្រាប់ព្រះរាជាណាចក្រកម្ពុជា នាព្រឹកថ្ងៃទី១ ខែមីនា ឆ្នាំ២០២៤ណេះ បានអញ្ជើញចូលរួមពិធីចុះហត្ថលេខាលើកំណត់ហេតុនៃកិច្ចប្រជុំគណៈកម្មាធិការសម្របសម្រួលចម្រុះលើកទី១៣ នៃតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV DTA JCC)។

 យោងតាមក្រសួងពាណិជ្ជកម្មកម្ពុជា បានបញ្ជាក់ក្នុងបណ្តាញសង្គមហ្វេសប៊ុកថា កំណត់ហេតុនៃកិច្ចប្រជុំនេះ នឹងក្លាយជាឯកសារមូលដ្ឋានក្នុងការរួមគ្នាបន្តអភិវឌ្ឍន៍សេដ្ឋកិច្ច-សង្គម បង្កើនកិច្ចសហប្រតិបត្តិការរវាងគ្នា និងរក្សាចំណងមិត្តភាពឱ្យកាន់តែជិតស្និទ្ធ សម្រាប់ប្រមុខដឹកនាំ នៃប្រទេសទាំងបី ពិនិត្យនិងផ្តល់អនុសាសន៍ នៅក្នុងកិច្ចប្រជុំកំពូលលើកទី១២ (12th CLV DTA Summit) ដែលនឹងគ្រោងរៀបចំឡើងនៅព្រះរាជាណាចក្រកម្ពុជា៕ ដោយ ៖ បូរ៉ាវី