ឱកាសការងារជាង ២ពាន់កន្លែង បានដាក់តាំងបង្ហាញនៅសាកលវិទ្យាល័យភូមិន្ទភ្នំពេញ

ទីភ្នាក់ងារជាតិមុខរបរ និងការងារ (NEA) រួមជាមួយស.ស.យ.ក វិស័យការងារ និងបណ្តុះបណ្តាលវិជ្ជាជីវៈ នៅថ្ងៃទី១៤ ខែមីនានេះ បានសហការជាមួយសាកលវិទ្យាល័យភូមិន្ទភ្នំពេញ រៀបចំវេទិកាការងារ ដោយនាំយកក្រុមហ៊ុនធំៗ ចំនួន២៧ ជាមួយនឹងឱកាសការងារចំនួនជាង ២ពាន់កន្លែង សម្រាប់ផ្តល់ជូនសិស្ស/នសិ្សត និងអ្នកស្វែងរកការងារ។

ក្រុមហ៊ុន សហគ្រាសទាំង២៧ ដែលចូលរួមក្នុងវេទិកាការងារថ្ងៃនេះ រួមមានមកពីវិស័យធនាគារ , ធានារ៉ាប់រង , ផ្សារ , ម្ហូបអាហារ ក្រុមហ៊ុនរថយន្ត និងសណ្ឋាគារជាដើម។

លោក ពេជ្រ រដ្ឋា មន្រ្តីផ្នែកជ្រើសរើសបុគ្គលិកនៃធនាគារឯកទេស អ៊ីអន ដែលតែងតែសហការជាមួយទីភ្នាក់ងារជាតិមុខរបរ និងការងារ ក្នុងការផ្សព្វផ្សាយអំពីតម្រូវការកម្លាំងពលកម្មនេះ បានលើកឡើងថា នេះជាលើកទី២ ដែលក្រុមហ៊ុនបានចូលរួមក្នុងវេទិកាការងារតាមសាកលវិទ្យាល័យដោយមើលឃើញថា ពិតជាមានអារម្មណ៍ប្លែកម្យ៉ាង និងសប្បាយចិត្ត ព្រោះអាចពង្រីកការផ្សព្វផ្សាយព័ត៌មានការងារច្រើនជាងមុន និងអាចជ្រើសរើសកម្លាំងពលកម្ម កាន់តែងាយស្រួលជាងមុនផងដែរ។

លោកស្រី ស្រី សបុប្ជា អនុប្រធាននាយកដ្ឋានធនធានមនុស្ស និងរដ្ឋបាល នៃគ្រឹះស្ថានមីក្រូហិរញ្ញវត្ថុ ជេកស៍ ខេមបូឌា (JACCS Cambobai) បានឲ្យដឹងស្រដៀងគ្នាដែរថា តាមរយៈវេទិកាការងារតាមសាកលវិទ្យាល័យនានា មិនត្រឹមតែផ្តល់ឱកាសការងារដល់សិស្សនិស្សិតប៉ុណ្ណោះទេ ថែមទាំងមានឱកាសផ្សព្វផ្សាយពីក្រុមហ៊ុនដល់សាធារណៈជនផងដែរ។ ជាពិសេស យុវជនអាចស្វែងយល់អំពីតម្រូវការទីផ្សារការងារទាំងពេលបច្ចុប្បន្ន និងទៅអនាគត ដើម្បីឆ្លើយតបឲ្យត្រូវនឹងជំនាញសិក្សារបស់ពួកគេ។

ជាមួយនេះ ទីភ្នាក់ងារជាតិមុខរបរ និងការងារ បានអំពាវនាវដល់យុវជន សិស្ស-និស្សិត និងសាធារណជនទូទៅ ដែលមានបំណងចង់ស្វែងរកការងារ ឬចង់ផ្លាស់ប្តូរការងារ សូមចូលរួមដាក់ពាក្យសម្ភាសជាមួយតំណាងក្រុមហ៊ុនដោយផ្ទាល់ក្នុងវេទិកាការងារថ្ងៃនេះ និងត្រូវរៀបចំខ្លួនឲ្យបានសមរម្យ មុននឹងចូលសម្ភាសន៍ដោយភ្ជាប់ជាមួយនឹងប្រវត្តិរូបសង្ខេប(CV) របស់ខ្លួនផងដែរ៕ អត្ថបទ៖ ឈិត បូរ៉ាវី

អត្ថបទដែលទាក់ទង

សម្តេចធិបតី រំឭកពីគុណបំណាច់យ៉ាងជ្រាលជ្រៅចំពោះវីរៈកងទ័ព វីរកងនគរបាលជាតិ និងវីរកងរាជអាវុធហត្ថដែលបានពលីជីវិត ដើម្បីបុព្វហេតុការពារទឹកដី និងបានកោតសរសើរចំពោះវីរយុទ្ធជនដែលកំពុងឈរជើងនៅជួរមុខ

ក្រសួងបរិស្ថាន បញ្ជាឱ្យផ្អាកសកម្មភាពបាញ់ថ្នាំលាបរថយន្តដែលប្រព្រឹត្តដោយខុសច្បាប់ បន្ទាប់ពីទទួលបានបណ្ដឹងពីពលរដ្ឋពាក់ព័ន្ធនឹងក្លិនថ្នាំលាបរថយន្ត

អង្គភាពអ្នកនាំពាក្យរាជរដ្ឋាភិបាល រៀបចំការប្រកួតប្រជែងនិយាយជាសាធារណៈវគ្គផ្តាច់ព្រ័ត្រ លើប្រធានបទ៖ «តើយុវជនត្រូវត្រៀមខ្លួនយ៉ាងដូចម្តេច ដើម្បីចូលរួមសម្រេចចក្ខុវិស័យកម្ពុជាឆ្នាំ២០៥០?»

បណ្ដាញសង្គម

ព័ត៌មានចុងក្រោយ

សម្តេចធិបតី រំឭកពីគុណបំណាច់យ៉ាងជ្រាលជ្រៅចំពោះវីរៈកងទ័ព វីរកងនគរបាលជាតិ និងវីរកងរាជអាវុធហត្ថដែលបានពលីជីវិត ដើម្បីបុព្វហេតុការពារទឹកដី និងបានកោតសរសើរចំពោះវីរយុទ្ធជនដែលកំពុងឈរជើងនៅជួរមុខ

កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់ទាត់តំបន់អាស៊ីអាគ្នេយ៍ (ASEAN Hyundai Cup 2026)

លោកTrump គំរាមថា អឺរ៉ុបនឹងជួបលទ្ធផលអាក្រក់ក្រោយពីទីក្រុងព្រុចសែលពិន័យក្រុមហ៊ុន Google ១ពាន់លានដុល្លារ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ឱកាសការងារជាង ២ពាន់កន្លែង បានដាក់តាំងបង្ហាញនៅសាកលវិទ្យាល័យភូមិន្ទភ្នំពេញ