មេធាវីរបស់ក្រុមហ៊ុនដឹកជញ្ជូន Uber នៅថ្ងៃចន្ទ (ទី១៨ ខែមីនា) នេះ បានឲ្យដឹងថា ក្រុមហ៊ុនបានយល់ព្រមបង់ប្រាក់ចំនួន ២៧១,៨លានដុល្លារអូស្ត្រាលី (១៧៨លានដុល្លារ) ដើម្បីដោះស្រាយបណ្តឹងដែលប្ដឹងដោយប្រតិបត្តិករ និងអ្នកបើកបរតាក់ស៊ីរបស់អូស្ត្រាលី ដែលនិយាយថា ពួកគេបានបាត់បង់ប្រាក់ចំណូល នៅពេលដែលក្រុមហ៊ុនហៅយានជំនិះតាមអេបនេះ បានចូលមកប្រកបអាជីវកម្មក្នុងប្រទេស។

មេធាវីលោក Maurice Blackburn បាននិយាយនៅក្នុងសេចក្តីថ្លែងការណ៍ថា នេះគឺជាដំណោះស្រាយដ៏ធំជាងគេទី៥ របស់ប្រទេសអូស្ត្រាលី។ បណ្តឹងតំណាងត្រូវបានប្តឹងនៅឆ្នាំ២០១៩ នៅតុលាការកំពូលនៃរដ្ឋ Victoria ដែលតំណាងឲ្យអ្នកបើកបរ និងម្ចាស់តាក់ស៊ី និងរថយន្តឈ្នួលជាង ៨.០០០នាក់ ដោយចោទប្រកាន់ក្រុមហ៊ុន Uber ពីបទបំពានច្បាប់ដែលតម្រូវឲ្យឡានតាក់ស៊ី និងឈ្នួលទាំងអស់ត្រូវមានអាជ្ញាប័ណ្ណ។

បើយោងតាមពាក្យបណញដឹង បានឲ្យដឹងថា ការបង្ហាញវត្តមានក្នុងឆ្នាំ២០១២ របស់ក្រុមហ៊ុន Uber នៅក្នុងទីផ្សារ បានទាញយកប្រាក់ចំណូលពីអ្នកបើកតាក់ស៊ីដែលមានអាជ្ញាប័ណ្ណ ខណៈពេលដែលបំផ្លាញតម្លៃអាជ្ញាប័ណ្ណដែលពួកគេបានបង់។ ក្រុមហ៊ុនហៅយានជំនិះតាមអេបនេះ បាននិយាយថា ខ្លួនមិនដែលបំពានច្បាប់នោះឡើយ៕