អាមេរិក៖ ការកើនឡើងយ៉ាងឆាប់រហ័ស នៃករណីឆ្លងវីរុសកូរ៉ូណានៅសហរដ្ឋអាមេរិក និងនៅបរទេសកំពុងជំរុញឱ្យមានការក្ដីបារម្ភ ពីការវិលត្រឡប់មកវិញជាថ្មីនៃវីរុសរាតត្បាតសកលនេះ និងការបញ្ជូនភាពតក់ស្លុតតាមរយៈផ្សារភាគហ៊ុន ខណៈដែលវីរុសបម្លែងខ្លួនថ្មី Delta ឆ្លងរាលដាលខ្លាំង និងដំណើរការចាក់វ៉ាក់សាំងយឺតយ៉ាវនៅតាមរដ្ឋមួយចំនួន។
ភាគច្រើនដោយសារតែការផ្ទុះឡើងនៅផ្នែកខ្លះនៃប្រទេសនេះ ដែលមានអត្រាចាក់វ៉ាក់សាំងទាប ចំនួនករណីឆ្លងថ្មី ការចូលសម្រាកព្យាបាលនៅមន្ទីរពេទ្យ និងការស្លាប់ដោយសារជំងឺ COVID-19 បានកើនឡើងក្នុងប៉ុន្មានសប្ដាហ៍ថ្មីៗនេះ។ វ៉ាក់សាំងមានប្រសិទ្ធភាពប្រឆាំងនឹងវីរុស COVID-19 បម្លែងខ្លួនថ្មី Delta ប៉ុន្តែការធ្វើតេស្តនៅមន្ទីរពិសោធន៍បានបង្ហាញថា វ៉ាក់សាំងទាំងនោះមានប្រសិទ្ធភាពតិចតួច ជាងវ៉ាក់សាំងប្រឆាំងនឹងវីរុសដំបូងកូរ៉ូណា។ ការសិក្សាបានបង្ហាញផងដែរថា វ៉ាក់សាំងបង្ការវីរុស COVID-19 របស់ក្រុមហ៊ុន Pfizer-BioNTech ចំនួន ២ដូស និងវ៉ាក់សាំង AstraZeneca មានប្រសិទ្ធភាពជាងការចាក់ ១ដូសប្រឆាំងនឹងការឆ្លងវីរុស ដែលធ្វើឱ្យវាកាន់តែសំខាន់សម្រាប់មនុស្ស ដែលត្រូវតែចាក់ឲ្យបានគ្រប់ដូស៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
