តុលាការកំពូលរបស់អង្គការសហប្រជាជាតិបានបញ្ជាជាឯកច្ឆ័ន្ទឲ្យអ៊ីស្រាអែលបើកផ្លូវដឹកជញ្ជូនជំនួយចូលទៅក្នុងតំបន់ហ្កាហ្សា ដើម្បីបញ្ចៀសគ្រោះទុរ្ភិក្ស ។ 

តុលាការយុត្តិធម៌អន្តរជាតិ(ICJ) បាននិយាយថា អ៊ីស្រាអែល ត្រូវតែចាត់វិធានការដោយមិនបង្អង់ពេល ដើម្បីអនុញ្ញាតឲ្យមានការផ្ដល់សេវាជាមូលដ្ឋាន និងជំនួយមនុស្សធម៌ចាំបាច់ជាបន្ទាន់។  

បទបញ្ជានេះ ត្រូវបានចេញក្រោយមានការព្រមានថា គ្រោះទុរ្ភិក្សអាចនឹងផ្ទុះឡើងនៅក្នុងតំបន់ហ្កាហ្សា ក្នុងរយៈពេលប៉ុន្មានសប្ដាហ៍ទៀតនេះ ។  

អ៊ីស្រាអែល បានហៅការចោទប្រកាន់ដែលថាខ្លួន កំពុងបិទផ្លូវជំនួយ ថា ជាការបំផ្លើសទាំងស្រុង។    

ប្រទេសនេះ ក៏បានច្រានចោលផងដែររាល់ការចោទប្រកាន់ពីបទប្រព្រឹត្តិអំពើប្រល័យពូជសាសន៍  នៅឯតុលាការយុត្តិធម៌អន្តរជាតិ ដែលត្រូវបានដាក់ដោយប្រទេសអាហ្វ្រិកខាងត្បូង និងសបានស្ដីបន្ទោសអង្គការសហប្រជាជាតិ ថាជាដើមចមនៃបញ្ហាដល់ការចែកចាយជំនួយ។      

សេចក្ដីសម្រេចចុងក្រោយដោយតុលាការនៅក្នុងទីក្រុងឡាអេ (Hague) មានឡើងបន្ទាប់ពីប្រទេសអាហ្វ្រិកខាងត្បូង បានស្នើឲ្យពន្លឿន និងចេញបញ្ជាដល់អ៊ីស្រាអែល ក្នុងខែមករា ដើម្បីចាត់វិធានការទប់ស្កាត់ទង្វើរប្រល័យពូជសាសន៍នៅក្នុងតំបន់ហ្កាហ្សា។  

កាលពីសប្ដាហ៍មុនរបាយការណ៍មួយចេញផ្សាយដោយកម្មវិធីផ្ដួចផ្ដើមចំណាត់ថ្នាក់ដំណាក់កាលសន្តិសុខស្បៀងអាហារដែលដំណើរការដោយកម្មវិធីស្បៀងអាហារពិភពលោកនិងទីភ្នាក់ងារផ្សេងទៀត ថា ស្ថានភាពដ៏មហន្តរាយកំពុងតែវិវត្តន៍ជិតមកដល់តំបន់ហ្កាហ្សាហើយ៕