ទូរទស្សន៍រដ្ឋចិន CCTV រាយការណ៍នៅថ្ងៃសុក្រនេះថា លោកប្រធានាធិបតី Xi Jinping មាននូវជំនួបជាមួយនាយករដ្ឋមន្រ្តីស្រីលង្កាលោក Dinesh Gunawardena ដើម្បីពិភាក្សាលើបញ្ហាពាណិជ្ជកម្មរវាងប្រទេសទាំង ២ ។
ជំនួបនេះ បានធ្វើឡើងកាលពីថ្ងៃពុធ នៅទីក្រុងប៉េកាំង ក្នុងនោះ CCTV រាយការណ៍ថា លោក Xi និយាយថា ចិនចង់បង្កើនការនាំចូលផលិតស្រីលង្កាដែលមានគុណភាពខ្ពស់ ក៏ដូចជាជំរុញសហគ្រាសចិន វិនិយោគ និងបង្កើតធុរកិច្ចនៅក្នុងប្រទេសស្រីលង្កា ។
ស្រីលង្កាចង់ឲ្យមានការចាប់អារម្មណ៍លើការវិនិយោគ ដើម្បីធ្វើឲ្យសេដ្ឋកិច្ចរបស់ខ្លួនមានស្ថិរភាព ហើយនិងវិលត្រឡប់មកកាន់កំណើនសេដ្ឋកិច្ចវិញ បន្ទាប់ពីវិបត្តិហិរញ្ញវត្ថុបណ្តាលមកពីកង្វះខាតធ្ងន់ធ្ងរប្រាក់ដុល្លារកាលពីឆ្នាំ ២០២២ដែលនាំឲ្យសេដ្ឋកិច្ចធ្លាក់ចុះ ២,៣ភាគរយកាលពីឆ្នាំមុន ។
ចិនគឺជាប្រទេសផ្តល់កម្ចី ២ផ្លូវធំបំផុតរបស់ស្រីលង្កា ក្នុងនោះក្រុមហ៊ុនរបស់ពួកគេ បានកសាងផ្លូវហាយវ៉េ និងកំពង់ផែ ហើយនិងហេដ្ឋារចនាសម្ព័ន្ធផ្សេងៗទៀតនៅលើប្រទេសកោះជិតតំបន់ឆ្នេរភាគអាគ្នេយ៍ឥណ្ឌាមួយនេះ ។
លោក Gunawardena ស្ថិតក្នុងដំណើរទស្សនកិច្ចរយៈពេល ៦ថ្ងៃទៅកាន់ប្រទេសចិន ចាប់ពីថ្ងៃទី ២៥ ខែមីនា រហូតដល់ថ្ងៃទី ៣០ខែមីនា ៕