ក្រុមអាជ្ញាធរ និយាយថា ប្រទេសអែល សាល់វ៉ាឌ័រ រឹបអូសបានសារធាតុញៀនកូកាអ៊ីនទម្ងន់ ១,៤៨តោន ពីនាវា ២គ្រឿង ។
កងទ័ពជើងទឹក បានឃាត់ខ្លួនជនជាតិអេក្វាឌ័រ ៦នាក់ និងជនជាតិក្វាតេម៉ាឡា ៣នាក់ អំឡុងប្រតិបត្តិការស្វែងការជួញដូរគ្រឿងញៀនខុសច្បាប់ ។
លោក Rene Francis Merino គឺជារដ្ឋមន្រ្តីក្រសួងការពារជាតិអែល សាល់វ៉ាឌ័រ និយាយថា នាវា ២គ្រឿង បានចាកចេញពីទីក្រុងនៅប្រទេសអេក្វាឌ័រ ហើយនៅចំណុចណាត់គ្នាក្នុងសមុទ្រ ពួកគេបានបោះបង់ចោលនាវាទាំងនេះ ហើយលើកគ្រឿងញៀនដាក់លើនាវាផ្សេងអៀត ។
លោកបន្តថា គ្រឿងញៀនដែលរឹបអូសបាននេះ មានតម្លៃប្រហែល ៣៧លានដុល្លារ ។
បើទោះបីជាការជួញដូរសារធាតុកូកាអ៊ីននៅប្រទេសអែល សាល់វ៉ាឌ័រ មានលក្ខណៈតូចតាច បើធៀបនឹងប្រទេសដទៃយ៉ាងណាក្តី ក៏ជំនួញមួយនេះ កំពុងរីកចម្រើនខ្លាំង ហើយនិងក្លាយជាប្រភពនៃជម្លោះ និងអំពើហិង្សា ។
បច្ចុប្បន្នក្រុមបណ្តាញឧក្រិដ្ឋកម្ម រួមទាំងក្រុមជនអន្ធពាល បានជាប់ពាក់យ៉ាងសកម្មក្នុងការដឹកជញ្ជូនសារធាតុកូកាអ៊ីន ៕