​បាល់ទាត់៖ ​ក្រុម​បិសាច​ក្រហម Manchester United បាន​ចាប់ផ្តើម​យុទ្ធនាការ​ប្រកួត​មិត្តភាព​កំដៅ​សាច់ដុំ​ ត្រៀម​រដូវ​កាល​ថ្មី​កាលពី​ថ្ងៃអាទិត្យ​ដោយ​យកឈ្នះ Derby County ដែល​ដឹកនាំ​ដោយ Wayne Rooney ២-១​។ ​​Tanith Chong និង​កីឡាករ​វ័យ ១៩ឆ្នាំ Facundo Pellestri រកបាន​ម្នាក់​មួយ​គ្រាប់​ក្នុង​ជ័យជំនះ​នេះ​។​

​ប្រកួត​នោះដែរ​ក៏មាន​វត្តមាន​ខ្សែបម្រើស្លាប​អង់គ្លេស Jesse Lingard ផងដែរ ខណៈ​ក្រោយ​ចប់​ការ​ប្រកួត​អ្នកចាត់ការ Ole Gunnar Solskjaer បាន​បញ្ជាក់​ថា កីឡាករ​វ័យ ២៨​ឆ្នាំ​រូប​នេះ​ស្ថិត​ក្នុង​គំរោង​របស់​លោក​សំរាប់​រដូវ​កាល​ថ្មី​។ ​វត្តមាន​របស់ Lingard ដែល​បាន​ផ្លាស់ប្ដូរ​បាន​បង្ហាញ​ទំរង់​លេង​អស្ចារ្យ​មិន​ខុស​ពី​ពេល​នៅ West Ham រដូវ​កាល​មុន​ក្នុង​លក្ខខណ្ឌ​ខ្ចី​ជើង​នោះ​ទេ​។ ​អ្នកចាត់ការ​សញ្ជាតិ​ណ័​រវេ​ស​បាន​បន្តថា Jesse បាន​ត្រលប់​មក​វិញ​ហើយ ហើយ​លោក​សប្បាយ​រីក​រាយ​នៅ​ពេល​លឺ​ថា Jesse ប្តេជ្ញា​ចិត្ត​ជាមួយ​ក្លិប​ និង​ប្រយុទ្ធ​ដើម្បី​ជំរើស​ដំបូង​ក្នុង​ក្រុម​។

​​រំលឹក​ថា Jesse Lingard ត្រូវ​បាន Manchester United បញ្ចេញ​ឱ្យ West Ham ខ្ចី​ក្រោម​ការដឹកនាំ​របស់​លោក David Moyes​។ ត្រឹម​ពាក់​កណ្តាល​រដូវ​កាល Lingard បាន​ក្លាយ​ជា​កីឡាករ​នាំ​លេង​ម្នាក់​នៅ​ទីនោះ​ដោយ​បង្ហាញខ្លួន​សរុប ១៦​ប្រកួត​រក​បាន ៩​គ្រាប់ និង ៤​បាល់​បញ្ជូន​។ West Ham ក៏បាន​ព្យាយាម​ចរចា​ជាមួយ Manchester United ដើម្បី​ទិញ​ផ្តាច់​កីឡាករ​វ័យ ២៨​ឆ្នាំ​រូបនេះ​ដែរ​ តែ​ត្រូវបាន​ក្លិប​នៅ Old Trafford ដាក់​តំលៃ​ថ្លៃ​ពេក​៕

​អត្ថបទ​៖​នាង សុភា​វុ​ធ