រដ្ឋមន្រ្ដីកាបរទេសអ៊ុយក្រែន លោក ឌីមីត្រូ គូលីបា (Dmytro Kuleba) បានជួបជាមួយសមភាគីឥណ្ឌលោក ស៊ូប្រាម៉ានីយ៉ាម ចាយសាន់កា (Subrahmanyam Jaishankar) ក្នុងក្រុងញូដេលីនៅថ្ងៃសុក្រនេះ ស្របពេលដែលវិបត្ដិនៅតែបន្ដ ដោយសារតែការចូលវាយលុកទ្រង់ទ្រាយធំរបស់រុស្ស៊ីក្នុងប្រទេសអ៊ុយក្រែនមក។
នៅក្នុងការចាប់ផ្ដើមការធ្វើអត្ថាធិប្បាយរបស់លោកនៅឯវិមាន ហាយឌើរ៉ាបាត (Hyderabad) ក្នុងរដ្ឋធានីឥណ្ឌា លោកគូលេបាបាននិយាយថា អ៊ុយក្រែននឹងទន្ទឹងរង់ចាំការស្ដារឡើងវិញនូវអ្វីដែល ធ្លាប់មាន ពោលគឺទំនាក់ទំនងរវាងអ៊ុយក្រែន និងឥណ្ឌា) មុនការចូលវាយលុករបស់រុស្ស៊ី។
កាលពីម្សឹលមិញ លោកគូលេបា បានអញ្ជើញទៅកន្លែងគោរពវិញាណក្ខន្ធចំពោះវីរ:បុរសឯករាជ្យឥណ្ឌាម៉ាហាត្មៈ ហ្គិនធី (Mahatma Gandhi) និងបានសម្ដែងការគោរព ចំពោះអ្នកប្រយុទ្ធដើម្បីសេរីភាព។
អ៊ុយក្រែនសង្ឃឹមថា នឹងរៀបចំឱ្យមានជំនួបកំពូលមួយរបស់មេដឹកនាំពិភពលោកដោយមិនមានការចូលរួមរបស់រុស្ស៊ីនៅប៉ុន្មានខែខាងមុខ នៅក្នុងដំណើរឆ្ពោះទៅរកផែនការសន្ដិភាពជាក់លាក់របស់ខ្លួន ជារូបមន្ដមួយដែល អំពាវនាវឱ្យមានការដកទ័ពរុស្ស៊ីចេញពីទឹកដីរបស់ខ្លួន។
រុស្ស៊ីបានច្រានចោលគំនិតផ្ដួចផ្ដើមកាទូតរបស់អ៊ុយក្រែនថា មិនមានអ្នកចាប់ផ្ដើមមួយ។
លោកម៉ូឌី បានទូរស័ព្ទដោយឡែកកាលពីសប្ដាហ៍មុនជួបជាមួយលោកហ្សេលិន ស្គី និងប្រធានាធិបតីរុស្ស៊ីវ៉្លាឌីមៀ ពូទីននៅមុនទស្សនកិច្ចរបស់លោកគូលេបានេះ៕