ក្រសួងសុខាភិបាលតំបន់ហ្កាហ្សាបានឱ្យដឹងថា ជនជាតិប៉ាឡេស្ទីន ក្នុងក្រុងខានយូនីស ក្នុងតំបន់ហ្កាហ្សា បានសោកសង្រេងចំពោះសាច់ញាតិ និងអ្នកជាទីស្រាលាញ់របស់ពួកគេនៅថ្ងៃសុក្រនេះ បន្ទាប់ពីការវាយប្រហាររបស់អ៊ីស្រាអែលមួយ បានសម្លាប់មនុស្ស២២នាក់មក។
វេជ្ជបណ្ឌិតអ៊ីប្រាហ៊ីម មូអាម៉ា (Ibrahim Muammar) បាននិយាយថា លំនៅឋានជាច្រើនខ្នង ដែលមានមនុស្សជាង៥០នាក់ ដែលមាន៤ឬ៥គ្រួសារ ក្នុងនោះភាគច្រើនជាកុមារនិងស្រ្ដី អ្នកស្រុកស៊ីវិល បានជាប់បង្ខាំងខ្លួនក្នុងផ្ទះល្វែងរបស់ពួគេ។ ប៉ុន្ដែភ្លាមៗនោះ រ៉ូកែត១គ្រាប់ ត្រូវបានបាញ់ចំអគារ១ដែលមានកំពស់៤ជាន់ ដោយមិនមានការព្រមានជាមុន ឬការប្រកាសជាមុនណាមួយឡើយ ដែលបណ្ដាលអោយកុមារម្នាក់ នៅឯមន្ទីរពេទ្យអឺរ៉ុប និងសាច់ញាតិម្នាក់ទៀត បាត់បង់ជីវិត។
ក្រសួងសុខាភិបាលតំបន់ហ្កាហ្សា បាននិយាយនៅថ្ងៃសុក្រនេះថា ជនជាតិប៉ាឡេស្ទីនយ៉ាងហោចណាស់៣២.៦២៣នាក់ ត្រូវបានសម្លាប់និង ៧៥.០៩២នាក់ទៀត រងរបួសនៅក្នុងការវាយលុករបស់យោធាអ៊ីស្រាអែលលើតំបន់ហ្កាហ្សាតាំងពីថ្ងៃទី៧តុលាមក។
ដោយឡែក ក្នុងក្រុងរ៉ាហ្វា ជាកន្លែងមានមនុស្សជាង១លាននាក់ កំពុងជ្រកកោណ មន្រ្ដីសុខាភិបាលបាននិយាយថា ការវាយប្រហាតាមអាកាសរបស់អ៊ីស្រាអែល លើផ្ទះមួយខ្នងបានសម្លាប់មនុស្សអស់ ១២នាក់៕