ភ្នំពេញ៖ ប្រមុខរាជរដ្ឋាភិបាលកម្ពុជាសម្តេចតេជោ បានថ្លែងថា ហាត់ប្រាណ គឺជាពិធីល្អសម្រាប់មនុស្សគ្រប់រូបដែរអាចហាត់បានរាប់ទាំងអ្នកមានវិជ្ជមានកូវីដ១៩ ដែលមិនធ្ងន់ធ្ងរ និងអ្នកដែលកំពុងធ្វើចត្តាឡីស័ក។
សម្តេចតេជោ ហ៊ុន សែន បានសរសេរនៅក្នុងហ្វេសប៊ុកផ្លូវការ នាល្ងាចថ្ងៃទី២០ ខែកក្កដានេះ ដែលមានខ្លឹមសារទាំងស្រុងថា “ហាត់ប្រាណ គឺជាវិធីដ៏ល្អសម្រាប់មនុស្សគ្រប់រូបដែលអាចហាត់បានរាប់ ទាំងអ្នកមានវិជ្ជមានកូវីដ-១៩ ដែលមិនធ្ងន់ធ្ងរនិងអ្នកកំពុងធ្វើចត្តាឡីស័ក”។
សម្តេចតេជោបន្តថា របៀបហាត់ខុសៗគ្នា ទៅតាមចំណូលចិត្ត តាមវ័យតាមលទ្ធភាពដែលអាចធ្វើបានដើម្បីរក្សាសុខភាព។ សម្តេចបានថ្លែងទៀតថា “តាំងពីកូវីដ-១៩ រាតត្បាតខ្លាំងសម្តេច បានជ្រើ សរើសយកការធាក់កង់ជាប្រចាំមួយថ្ងៃ៦០នាទី-៩០នាទី និងច្រើនបំផុត ១២០នាទី ទៅតាមទម្ងន់មុនពេលហាត់។
សម្តេចថា សម្តេចរក្សាទម្ងន់ ៧៦, ៧៧, ៧៨ ដែលកាលពី ៥ខែមុនឡើងដល់៨៧ ស្ទើរតែរកខោស្លៀកលែងបាន”។ សម្តេចបន្តទៀតថា ថ្ងៃនេះសម្តេចស្លៀកខោខ្លីជិះកង់ហាត់ប្រាណ ប្លែកពីលើកមុនដែលស្លៀកខោវែង។ សម្តេចបន្តថា ”និយាយតិចៗកុំឲ្យប្រពន្ធខ្ញុំលឺគាត់ប្រាប់ខ្ញុំថា (បើទៅហាត់ប្រាណត្រូវស្លៀកវែងកុំស្លៀកខោខ្លី)។ ខ្ញុំមិនដឹងថាតើគាត់ខ្លាចខ្ញុំត្រូវក្តៅខ្មៅ? ឬគាត់ខ្លាចមនុស្សផ្សេងឃើញជើងខ្ញុំក្រៅពីគាត់? (សូមទោសនិយាយ លេងទេកុំប្រកាន់)៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
