អាជ្ញាធរអ៊ុយក្រែនបានរាយការណ៍ពីការផ្ទុះនៅតំបន់ភាគឦសាន ភាគខាងត្បូង និងភាគខាងលិចរបស់ប្រទេស នៅព្រឹកថ្ងៃព្រហស្បតិ៍ (ទី១១ ខែមេសា) អំឡុងរលកនៃការវាយប្រហារថ្មីដោយមីស៊ីលរបស់រុស្ស៊ី ដែលទីក្រុងគីវ បាននិយាយថា បានធ្វើឲ្យខូចខាតដល់បណ្តាញអគ្គិសនីរបស់ខ្លួន។

អភិបាលក្រុងលោក Ihor Terekho បានឲ្យដឹងនៅលើកម្មវិធីផ្ញើសារ Telegram ថា សំឡេងផ្ទុះជាច្រើនត្រូវបានឮនៅទីក្រុង Kharkiv របស់អ៊ុយក្រែន ហើយបើយោងតាមអភិបាលតំបន់ លោក Ivan Fedorov តាមរយៈកម្មវិធីផ្ញើសារនេះ បានឲ្យដឹងថា តំបន់ Zaporizhzhia ក៏មានសំឡេងផ្ទុះដូចគ្នាដែរ។

ចំណែកអភិបាលតំបន់ Lviv ភាគខាងលិច លោក Maksim Kozytskyi បាននិយាយនៅលើអេប Telegram ថា ប្រព័ន្ធការពារដែនអាកាសកំពុងធ្វើការនៅក្នុងតំបន់នេះ។

ជាមួយគ្នានេះ តាមរយៈកម្មវីធី Telegram រដ្ឋមន្ត្រីថាមពលអ៊ុយក្រែន លោក Herman Halushchenko បានប្រាប់ឲ្យដឹងថា ការវាយប្រហារបានកំណត់គោលដៅលើទីកន្លែងផលិត និងចែកចាយថាមពល នៅក្នុងតំបន់ Kharkiv, Zaporizhzhia, Lviv និង Kyiv៕