ក្រុមធ្វើយុទ្ធនាការបាននិយាយថា បុគ្គលិកក្រុមហ៊ុន Googleជាច្រើននាក់ ត្រូវបានសមត្ថកិច្ចឃាត់ខ្លួន កាលពីថ្ងៃអង្គារ បន្ទាប់ពីតវ៉ាប្រឆាំងនឹងកិច្ចសន្យាមួយរវាងក្រុមហ៊ុន Googleនិងរដ្ឋាភិបាលអ៊ីស្រាអែល ពាក់ព័ន្ធនឹងបច្ចេកវិទ្យា ដែលក្រុមហ៊ុនហៅថា Project Nimbusឬ (គម្រោងនីមប៊ើស)។

នៅក្នុងវីដេអូមួយដែលបង្ហោះតាមប្រព័ន្ធផ្សព្វផ្សាយសង្គមឱ្យដឹងថា នគរបាលត្រូវបានគេឃើញកំពុងចូលក្នុងបន្ទប់មួយ និងបានបណ្តេញចេញអ្នកតវ៉ាដោយស្ងប់ស្ងាត់ដោយគ្រវែងចេញនូវម៉ាស៊ីនថតដែលគេបានថតនៅកន្លែងកើតហេតុនោះ។

ការឃាត់ខ្លួនបុគ្គលិករបស់ក្រុមហ៊ុនខ្លួនឯងនដែលចូលរួមការអង្គុយតវ៉ារយ:ពេល១០ម៉ោងជាប្រវត្តិសាស្ត្រពីកន្លែងទៅកន្លែងនៅឯទីស្នាក់ការក្រុមហ៊ុន បានសរសេរចំណងជើងអមដោយវីដេអូ ដែលត្រូវបានបង្ហោះដោយ"យុទ្ធនាការគ្មានបច្ចេកវិទ្យាសម្រាប់ការរើសអើង"និងបានអំពាវនាវអោយតវ៉ាជាបន្ដទៅទៀត។

ប្រព័ន្ធគម្រោង នីមប៊ើស (Nimbus)គឺចេញពីកិច្ចព្រមព្រៀងរដ្ឋាភិបាលអ៊ីស្រាអែលជាមួយក្រុមហ៊ុនសេវា អាម៉ាហ្ស៊ូន វេប (Amazon Web ServiceឬAWS)និងក្រុមហ៊ុនGoogle សំរាប់គម្រោងដែលមានទឹកប្រាក់ជាង១ពាន់លានដុល្លារដើម្បីផ្ដល់សេវាពពកសសំរាប់ផ្នែករដ្ឋរបស់ប្រទេសនិងផ្នែកយោធា៕