ឯកអគ្គរដ្ឋទូតអាមេរិកប្រចាំអង្គការសហប្រជាជាតិ បាននិយាយថា ការជួញដូរអាវុធរបស់រុស្ស៊ីជាមួយកូរ៉េខាងជើង រំលោភលើទណ្ឌកម្មអន្តរជាតិ ហើយទីក្រុងវ៉ាស៊ីនតោន នឹងស្វែងរកមធ្យោបាយ ដើម្បីឃ្លាំមើលការរំលោភបំពាន បន្ទាប់ពីទីក្រុងមូស្គូ បានវេតូវិធានការមួយ ដើម្បីកុំឲ្យក្រុមត្រួតពិនិត្យបន្តដំណើរការ។

លោកស្រី Linda Thomas-Greenfield បាននិយាយក្នុងអំឡុងដំណើរទស្សនកិច្ចទៅកាន់ទីក្រុងសេអ៊ូលកាលពីថ្ងៃពុធថា សហរដ្ឋអាមេរិក នឹងធ្វើការជាមួយដៃគូដូចជាកូរ៉េខាងត្បូង និងជប៉ុន ដែលលោកស្រីដឹកនាំបន្ទាប់ ដើម្បីបង្កើតជម្រើសទាំងក្នុង និងក្រៅអង្គការសហប្រជាជាតិ ដើម្បីរក្សាការងាររបស់ក្រុមប្រឹក្សាសន្តិសុខក្រុមអ្នកជំនាញ គឺក្រុមឃ្លាំមើលទណ្ឌកម្មលើប្រទេសកូរ៉េខាងជើង។

លោកស្រី បានថ្លែងនៅក្នុងសន្និសីទសារព័ត៌មានមួយថា៖«យើងមិនអាចអនុញ្ញាតឲ្យការងារដែលក្រុមអ្នកជំនាញកំពុងធ្វើនោះ ត្រូវបានលុបចោលទេ»។ លោកស្រី Thomas-Greenfield បាននឹងកំពុងជួបពិភាក្សាក្នុងអំឡុងពេលដំណើរទស្សនកិច្ចរបស់លោកស្រីជាមួយមន្ត្រីជាន់ខ្ពស់អំពីជម្រើស និងវិធីដើម្បីពង្រីកតួនាទីនៃក្រុមអ្នកជំនាញដែលបានត្រួតពិនិត្យការអភិវឌ្ឍន៍អាវុធនុយក្លេអ៊ែររបស់កូរ៉េខាងជើងអស់    រយៈពេ១៥ឆ្នាំ បន្ទាប់ពីការវេតូដោយរុស្ស៊ី កាលពីខែមុន ដែលអាចនាំក្រុមនេះបញ្ឈប់ដំណើរការការត្រួតពិនិត្យ។

លោកស្រីThomas-Greenfield មិនបានផ្តល់នូវភាពជាក់លាក់នៃយន្តការអ្វីដែលលោកស្រី អាចកំពុងប្រើ ប៉ុន្តែលោកស្រីបានចោទប្រកាន់ទីក្រុងមូស្គូ និងទីក្រុងព្យុងយ៉ាងពីបទរំលោភលើទណ្ឌកម្មសកល។

លោកស្រី បាននិយាយថា៖«រុស្ស៊ីបានរំលោភរបបទណ្ឌកម្មរួចហើយ។ «ពួកគេកំពុងទិញអាវុធប្រឆាំងនឹងសេចក្តីសម្រេចរបស់ក្រុមប្រឹក្សាសន្តិសុខ»។ លោកស្រីបានបន្ថែមថា អាមេរិកមានការព្រួយបារម្ភចំពោះ   អ៊ីរ៉ង់ដែលផ្គត់ផ្គង់សព្វាវុធដល់រុស្ស៊ី។