កងទ័ពអ៊ីស្រាអែល បានបញ្ចេញវីដេអូមួយនៅថ្ងៃព្រហស្បតិ៍នេះ ដោយបង្ហាញពីអ្វីដែលខ្លួនបាននិយាយថា ជាការវាយប្រហាររបស់យោធាប្រឆាំងនឹងហេដ្ឋារចនាសម្ព័ន្ធហេសបូឡានៅក្រុងឃីអាម(Khiam) ក្នុងប្រទេសលីបង់ភាគខាងត្បូង។
កងទ័ពអ៊ីស្រាអែល បាននិយាយនៅក្នុងសេចក្ដីថ្លែងការណ៍មួយថា យន្ដហោះចម្បាំងបានវាយប្រហារគោលដៅនានារបស់ក្រុមហេសបូឡានៅក្នុងតំបន់ឃីអាម(Khiam) ក្នុងនោះរួមមាន ហេដ្ឋារចនាសម្ព័ន្ធមួយចំនួនរបស់ភេរវជន ព្រមទាំង ហេដ្ឋារចនាសម្ព័ន្ធយោធាបន្ថែមផងដែរ។
ដោយឡែក ក្រុមហេសបូឡាលីបង់ បាននិយាយកាលពីថ្ងៃពុធថា ខ្លួនបានចាប់ផ្ដើមបាញ់មីស៊ីល និងយានដ្រូនដាក់ទីតាំងយោធាមួយនៅភាគខាងជើងប្រទេសអ៊ីស្រាអែលនៅក្នុងការសងសឹកចំពោះការវាយប្រហាររបស់អ៊ីស្រាអែល ដែលបានសម្លាប់សមាជិកក្រុមហេសបូឡាមួយចំនួននៅក្នុងឧបទ្ទេវហេតុមួយដែលយោធាអ៊ីស្រាអែលនិយាយថា បានបណ្តាលឱ្យទាហាន១៤នាក់រងរបួស។