ទឹកជំនន់ដ៏គំហុកបង្កឡើងដោយភ្លៀងធ្លាក់ខ្លាំង និងទឹកហូរគួចខ្លាំង បានឆក់យកជីវិតមនុស្ស៨នាក់ នៅក្នុងខេត្តស៊ីស្តាន (Sistan) និងខេត្ត បាលូជីស្ថាន (Baluchestan) ដោយវាយប្រហារតំបន់ភាគខាងត្បូងរបស់ប្រទេសអ៊ីរ៉ង់ កាលពីថ្ងៃទី១៨ខែមេសាសប្ដាហ៍នេះ ។

វីដេអូ បង្ហាញពីមនុស្សជាច្រើនកំពុងធ្វើដំណើរតាមទូក ឆ្លងកាត់ទឹកជំនន់ និងបោះខ្សែពួរជួយមនុស្ស កំពុងជាប់ក្នុងទឹកជំនន់នៅក្នុងទីក្រុង កូណារ៉ាក់ (Konarak) ក្នុងខេត្ត ស៊ីស្តាន ( Sistan) និងខេត្ត បាលូជីស្ថាន (Baluchestan)។

ពលរដ្ឋក្នុងតំបន់ម្នាក់ បាននិយាយថា ពុំមានការទទួលទានគ្រឿងស្រវឹង ឬ ការប្រើប្រាស់ផ្លូវទេ អំឡុងទឹកជំនន់នោះ។

យោងតាមសង្គមអឌ្ឍចន្ទក្រហមរបស់អ៊ីរ៉ង់ ទឹកជំនន់នេះ បណ្ដាលឲ្យក្រឡាប់គ្រឿងចក្រមួយគ្រឿង ហើយ បុគ្គលិកក្រុមហ៊ុនរថភ្លើង៣នាក់របស់អ៊ីរ៉ង់នៅតាមបណ្ដោយផ្លូវ Khash ទៅកាន់ផ្លូវ Iranshahr បានស្លាប់។

យោងតាមទីភ្នាក់ងារសារព័ត៌មាន WANA ភ្លៀងធ្លាក់ខ្លាំង បានបង្ខំឲ្យជម្លៀសប្រជាពលរដ្ឋរាប់ពាន់នាក់ និងខូចខាតហេដ្ឋារចនាសម្ព័ន្ធ និងដីចំការធ្វើកសិកម្ម ។

ទឹកជំនន់នេះ បានវាយប្រហារក្នុងតំបន់ផ្សេងៗគ្នាជាច្រើននៅតំបន់មជ្ឈិមបូព៌ា និងបណ្ដាប្រទេសនៅឈូងសមុទ្រ កាលពីប៉ុន្មានថ្ងៃមុន៕