អគ្គលេខាធិការអង្គការណាតូ លោក ចេន ស្តូលថិនប៊ឺក បានប្រាប់អ្នកយកព័ត៌មាននៅខាងក្រៅកិច្ចប្រជុំនៃរដ្ឋមន្ត្រីការបរទេស G7 នៅអ៊ីតាលីថា៖«យើងបានចងក្រងទិន្នន័យអំពីប្រព័ន្ធការពារដែនអាកាសខុសៗគ្នា ដែលយើងមាននៅក្នុងអង្គការនេះ ហើយផ្តោតលើប្រព័ន្ធការពារដែនអាកាសPatriot»។
លោក ស្តូលថិនប៊ឺក បាននិយាយថា ប្រព័ន្ធការពារផ្សេងទៀត ក៏អាចត្រូវបានផ្តល់ជូនដល់អ៊ុយក្រែនផងដែរ រួមទាំងប្រព័ន្ធមីស៊ីលបាញ់ពីលើដីទៅអាកាសNASALS ផងដែរ។
លោក អគ្គលេខាធិការ បានបញ្ជាក់ថា កិច្ចប្រជុំនៃក្រុមប្រឹក្សាណាតូ-អ៊ុយក្រែន នឹងប្រព្រឹត្តទៅ នៅថ្ងៃសុក្រនេះ ហើយថា ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelenskiy) ត្រូវបានគេរំពឹងថា នឹងចូលរួមជាក់ជាមិនខាន។