ការិយាល័យចម្រុះរបស់អង្គការសហប្រជាជាតិនៅប្រទេសហៃទី (BINUH) បាននិយាយកាលពីថ្ងៃសុក្រថា មនុស្សជាង ២.៥០០នាក់ ត្រូវបានសម្លាប់ ឬរងរបួស នៅក្នុងអំពើហិង្សារបស់ក្រុមជនអន្ធពាល នៅក្នុងប្រទេសហៃទី ចាប់ពីខែមករា ដល់ខែមីនា កើនឡើង ៥៣ភាគពីបីខែចុងក្រោយនៃឆ្នាំ ២០២៣។
BINUH បាននិយាយនៅក្នុងរបាយការណ៍មួយថា មនុស្សយ៉ាងហោចណាស់ ៥៩០នាក់ ត្រូវបានសម្លាប់ក្នុងអំឡុងពេលប្រតិបត្តិការរបស់នគរបាល។ ជាក់ស្តែង មនុស្សជាច្រើន មិនជាប់ពាក់ព័ន្ធក្នុងអំពើហិង្សារបស់ក្រុមជនអន្ធពាល ខ្លះមិនអាចធ្វើដំណើរទៅណាមកណាបានទេ ហើយមនុស្សយ៉ាងតិច ១៤១ ត្រូវបានសម្លាប់ដោយក្រុមប្រជាការពារ។
អំពើហិង្សាភាគច្រើន បានកើតឡើងនៅក្នុងរដ្ឋធានីព័រអូប្រាំង( Port-au-Prince) ខណៈពេលដែលមនុស្សយ៉ាងហោចណាស់ ៤៣៨នាក់ ត្រូវបានចាប់ពង្រត់នៅទូទាំងផ្នែកខាងលិចដ៏ធំ និងតំបន់កសិកម្មArtibonite។ តំបន់ La Saline និង Cite Soleil ក្បែរកំពង់ផែរដ្ឋធានីនេះ មានការវាយប្រហារទ្រង់ទ្រាយធំរយៈពេលយូរបំផុត។
របាយការណ៍ បានរកឃើញថា សមាជិកក្រុមជនអន្ធពល បានបន្តប្រព្រឹត្តអំពើរំលោភសេពសន្ថវៈលើស្ត្រី និងក្មេងស្រី នៅក្នុងសង្កាត់មួយចំនួន ព្រមទាំងនៅក្នុងពន្ធនាគារ និងជំរំជនភៀសខ្លួន។