​បាល់ទាត់៖ ​អតីត​ខ្សែការពារ​ក្រុម​តោ​ខៀវ Chelsea, John Terry បាន​ចាក​ចេញពី​តំណែង​ជំនួយការ​គ្រូបង្វឹក​នៅ​ក្លិប​ Aston Villa ហើយ​ដើម្បី​ស្វែងរក​តំណែង​ជា​អ្នកចាត់ការ​។​ ​អតីត​ខ្សែការពារ​ក្រុម​ជំរើសជាតិ​អង់គ្លេស​រូបនេះ​ បាន​ក្លាយជា​ជំនួយការ​លោក Dean Smith នៅ Aston Villa នៅ​ខែតុលា ​ឆ្នាំ២០១៨​។​

​​Terry និង Dean Smith បាន​នាំ​ក្រុម Aston Villa ត្រលប់​ឡើងមក​កាន់ English Premier League វិញ​នៅ​ឆ្នាំ២០១៩​។​ ​បុរស​វ័យ ៤០ឆ្នាំ​រូបនេះ​បាន​និយាយថា លោក​តែងតែមាន​ម​ហិ​ច្ច​តាច​ង់​ក្លាយជា​អ្នកចាត់ការ​នៅ​ថ្ងៃ​អនាគត ហើយ​នេះ​ប្រហែលជា​ពេលវេលា​សមស្រប​ហើយ ​ក្នុង​ការឈាន​ជើង​ចូល​ការប្រកួតប្រជែង​មួយទៀត​ក្នុង​ជីវិត​។​ ​កាលពី​ខែកុម្ភៈ​កន្លងទៅ John Terry ក៏​ធ្លាប់មាន​ទំនាក់ទំនង​ជាមួយ Bournemouth និង Celtic ផងដែរ​។​ ​បន្ទាប់ពី​ជួយ Aston Villa ឡើងមក English Premier League វិញ John Terry និង Dean Smith ក៏បាន​នាំ​ក្រុម​ឡើង​វគ្គ​ផ្តាច់ព្រ័ត្រ Carabao Cup នៅ​រដូវ​កាល ២០១៩-២០២០ និង​បញ្ចប់​រដូវ​កាល​មុន​លេខ ១១ ក្នុង​តារាង​៕

​អត្ថបទ​៖​នាង សុភា​វុ​ធ