អ្នកខ្លះមិនដែលមើលវានោះទេ តែសម្រាប់អ្នកខ្លះទៀតអត់វាមិនបានឡើយ។ យ៉ាងណាក្ដី មិនថាអ្នកប្រើប្រាស់វា ឬក៏អត់នោះ ក៏បណ្ដាញសង្គម TikTok កំពុងតែពេញនិយម ហើយវាអាចនឹងបាត់វត្តមាន។ ការហាមប្រាមរបស់សហរដ្ឋអាមេរិកលើកម្មវិធីនេះ នឹងជាផលវិបាកច្រើនជាង សម្រាប់ជនជាតិអាមេរិកមួយចំនួន។
សារព័ត៌មាន NBC 10 បានជួបជាមួយអ្នកបង្កើតមាតិកាក្នុងស្រុកចំនួន ៣នាក់ ដែលម្នាក់ៗទទួលបានអត្ថប្រយោជន៍ពី TikTok ក្នុងកម្រិតផ្សេងគ្នាៗ។
អ្នកបង្កើតមាតិកាម្នាក់ លោក Tropicana Danny ដែលត្រូវបានគេស្គាល់ថា ជា Dancing Security Guard ទទួលបានភាពល្បីល្បាញដោយសារតែកម្មវិធីនេះ ដែលមានអ្នកតាមដានលើ TikTok ច្រើនជាង ២៥៩.០០០នាក់។ ដោយមានអ្នកតាមដានច្រើនជាង ១,២លាននាក់ តារាសម្តែង Ian Brownhill ដែលដាក់ឈ្មោះខ្លួនឯងថា លោក New England មានប្រជាប្រិយភាពដោយសារការបង្ហាញនូវរូបភាពដ៏គួរឲ្យអស់សំណើចរបស់លោកអំពីលក្ខណៈ New Englander។ អ្នកបង្កើតមាតិកា Buns and Bites នាង Laura Afonso ដែលត្រូវបានគេស្គាល់ដោយសារប្លុកម្ហូបអាហារតាមបណ្ដាញសង្គម «ដែលមិនសូវខ្មាសអៀន» របស់នាង ទាំងនៅក្នុង និងជុំវិញកោះ Rhode មានអ្នកតាមដានលើ TikTok ច្រើនជាង ៧៥,០០០នាក់។
កម្មវិធី ឬអេបដ៏ពេញនិយមនេះ អាចត្រូវបានហាមឃាត់មិនឲ្យមានវត្តមាននៅសហរដ្ឋអាមេរិក ដោយសារតែរដ្ឋាភិបាលមានការព្រួយបារម្ភកាន់តែខ្លាំងឡើងអំពីសុវត្ថិភាពប្រើប្រាស់ទិន្នន័យមិនត្រឹមត្រូវ នៅលើទូរសព្ទរបស់អ្នកប្រើប្រាស់ម្នាក់ៗ។
លោក Tropicana Danny បាននិយាយថា លោកយល់ពីធម្មជាតិនៃការញៀនប្រើ TikTok និងវេទិការបស់បណ្ដាញសង្គមផ្សេងទៀត ដោយលើកកម្ពស់ពីសារៈសំខាន់នៃការស្វែងរកតុល្យភាពនៃការប្រើប្រាស់បណ្ដាញសង្គម ជាពិសេសសម្រាប់កុមារ និងក្មេងជំទង់។
វេទិកាសំខាន់របស់នាង Afonso គឺ Instagram។ នាងបានចាប់ផ្តើមគណនី Instagram របស់នាង កាលពី ៧ឆ្នាំមុន ហើយវាបានទាក់ទាញអ្នកតាមដានជាង ៨៣.០០០នាក់។ ដូចអ្នកបង្កើតខ្លឹមសារផ្សេងទៀតដែរ នាងរកប្រាក់បានពីការសហការ និងសេវាកម្មផ្សព្វផ្សាយ។ ប៉ុន្តែភាគច្រើននៃអ្នកតាមដានលើ TikTok របស់នាង គឺមកពីកោះ Rhode ដូច្នេះការហាមប្រាម នឹងនៅតែធ្វើឲ្យនាងឈឺចាប់។
ចំណែកលោក Brownhill បានចាប់ផ្តើមគណនីរបស់លោកប្រហែល ៤ឆ្នាំមុន។ វាត្រូវបានបម្រុងទុកសម្រាប់ជាពន្លឺអំឡុងថ្ងៃដ៏ខ្មៅងងឹតនៃជំងឺរាតត្បាតកូវីដ-១៩។ លោក និងអ្នកបង្កើតមាតិកាផ្សេងទៀតសង្ឃឹមថា កិច្ចព្រមព្រៀងអាចត្រូវបានធ្វើឡើង ដូច្នេះ TikTok មិនត្រូវបានហាមឃាត់៕