ប្រធានក្រុមភេរវកម្មអាល់កៃដា ( Al-Qaeda) ដែលត្រូវបានកាត់ទោសឲ្យពន្ធនាគាអស់មួយជីវិតពីបទរៀបចំផែនការសម្លាប់រង្គាល អាចត្រូវបានដោះលែងក្នុងរយៈពេលប៉ុន្មានសប្តាហ៍ទៀត បន្ទាប់ពីទទួលបានសវនាការលើកលែងទោស។
លោក Rangzieb Ahmed ដែលធ្លាប់និយាយថា ជាភ្នាក់ងារដ៏សំខាន់របស់លោក អូសាម៉ា ប៊ីនឡាដិន ( Osama bin Laden) នៅអឺរ៉ុប គឺជាមនុស្សដំបូងគេ នៅក្នុងចក្រភពអង់គ្លេស ដែលត្រូវបានកាត់ទោសពីបទដឹកនាំភេរវកម្ម។
លោកបានជាប់ពន្ធនាគារក្នុងឆ្នាំ ២០០៨ ពីបទរៀបចំផែនការឃាតកម្មដ៏ធំ ហើយត្រូវបានចាប់ខ្លួនជាមួយនឹងសៀវភៅទំនាក់ទំនងភេរវកម្ម ដែលសរសេរដោយទឹកថ្នាំមើលមិនឃើញច្បាស់ និងកាបូបស្ពាយដែលមានសារធាតុផ្ទុះ។
លោក Ahmed មានអាយុ ៤៦ឆ្នាំ ដែលបានទទួលជំនួយផ្នែកច្បាប់ជិតមួយលានផោនសម្រាប់ដំណើរការផ្លូវច្បាប់របស់ខ្លួន ត្រូវបានច្រានចោលសម្រាប់ការដោះលែង នៅខែកញ្ញាឆ្នាំ ២០២២ បន្ទាប់ពីមន្រ្តី បានវិនិច្ឆ័យថា ខ្លួនមានគ្រោះថ្នាក់ខ្លាំងពេក ពុំអាចត្រូវបានដោះលែងបានទេ។