ប្រធានាធិបតីទួរគីលោក រ៉េសិប តាយីប អឺដូហ្កាន់ ( Recep Tayyip Erdogan) បានចោទប្រកាន់លោកខាងលិចថា មិនបានអើពើអំពីការរងទុក្ខរបស់ប្រជាជនស៊ីវិល នៅតំបន់ហ្កាហ្សាស្ទ្រីប ក្នុងអំឡុងពេលដំណើរទស្សនកិច្ចរបស់ប្រធានាធិបតីអាល្លឺម៉ង់លោក Frank-Walter Steinmeier ទៅកាន់ទីក្រុងអង់     ការ៉ា។

លោកបានលើកឡើងថា តំបន់ហ្កាហ្សា ត្រូវបានបំផ្លាញ។ លោកអឺដូហ្កាន់ បាននិយាយកាលពីថ្ងៃពុធ នៅទីក្រុងអង់ការ៉ា បន្ទាប់ពីកិច្ចប្រជុំជាមួយលោក Steinmeierថា៖«មិត្តភក្តិអាល្លឺម៉ង់របស់យើង ត្រូវតែមើលឃើញពីស្ថានភាពសោកនាដកម្មនេះ»។ ។ លោកបានបន្ថែមថា លោកខាងលិចទាំងមូល គាំទ្រអ៊ីស្រា       អែល។

ប្រធានាធិបតីទួរគីរូបនេះ ក៏បានរិះគន់នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ (Benjamin Netanyahu) យ៉ាងខ្លាំងម្តងទៀត ហើយបានចោទប្រកាន់គាត់ពីបទបង្កគ្រោះថ្នាក់ដល់មជ្ឈិមបូព៌ាទាំងមូល ដើម្បីធានាបាននូវការរស់រានមានជីវិតផ្នែកនយោបាយរបស់គាត់។

ទោះបីជាយ៉ាងណាក៏ដោយ លោកបានសង្កត់ធ្ងន់ថា ប្រទេសទួរគី កំពុងខិតខំប្រឹងប្រែង ដើម្បីធានាដល់ការដោះលែងចំណាប់ថ្នូរ ដែលត្រូវបានចាប់ពង្រត់ពីអ៊ីស្រាអែល ទៅកាន់តំបន់ហ្កាហ្សាស្ទ្រីប។