ការរំពឹងថា ការដកកងកម្លាំងអាមេរិកចេញពីប្រទេសនីហ្សេ នឹងបង្កគ្រោះថ្នាក់ដល់ប្រតិបត្តិការប្រឆាំងអំពើភេរវកម្មរបស់សហរដ្ឋអាមេរិក និងផ្តល់ឥទ្ធិពលដល់រុស្ស៊ីបន្ថែមទៀត នៅក្នុងទ្វីបអាហ្រ្វិក នៅពេលដែលទំនាក់ទំនងអាមេរិក និងលោកខាងលិចនៅលើទ្វីបនេះ បែកបាក់។

មន្ទីរបញ្ចកោណ បាននិយាយថា ទាហានប្រហែល ១.000នាក់ នៅក្នុងប្រទេសនីហ្សេ ត្រូវបានគេរំពឹងថានឹងដកខ្លួនចេញពីប្រទេសជាយថាហេតុ បន្ទាប់ពីការបញ្ចប់នៃកិច្ចចរចាកម្រិតខ្ពស់ដែលកំពុងបន្តរវាង ទីក្រុងនីញ៉ាម៉េ (Niamey) និងទីក្រុងវ៉ាស៊ីនតោន បន្ទាប់ពីរដ្ឋប្រហារយោធា នៅក្នុងប្រទេសអាហ្វ្រិក កាលពីឆ្នាំមុន។

ការដកខ្លួនដោយបង្ខំពីប្រទេសនីហ្សេ គឺជាឧបសគ្គដ៏ធំមួយសម្រាប់យោធាអាមេរិក នៅពេលដែលខ្លួន ប្រយុទ្ធនឹងក្រុមជ្រុលនិយមឥស្លាម នៅទូទាំងសាហែល (Sahel) ជាតំបន់ដែលមានភាពជ្រួលច្របល់ លាតសន្ធឹងពីប្រទេសសេណេហ្គាល់នៅអាហ្វ្រិកខាងលិច រហូតដល់សមុទ្រក្រហម។

ហានិភ័យសម្រាប់សហរដ្ឋអាមេរិក គឺមិនត្រឹមតែទុកឲ្យក្រុមអាយស៊ីស ( ISIS)  ក្រុមបូកូហារ៉ាម ( Boko Haram) និងក្រុមបះបោរផ្សេងទៀត បន្តគ្រប់គ្រងនៅក្នុងប្រទេសនេះប៉ុណ្ណោះទេ ថែមទាំងឥទ្ធិពលដែលកំពុងកើនឡើងរបស់រុស្ស៊ី អ៊ីរ៉ង់ និងចិន ដែលសុទ្ធតែកំពុងប្រឹងប្រែង ដើម្បីអំណាច នៅក្នុងទ្វីបអាហ្រ្វិក រួមជាមួយនឹងលោកខាងលិច។

ប៉ុន្តែមហាអំណាចលោកខាងលិចដូចជាសហរដ្ឋអាមេរិក និងសហភាពអឺរ៉ុប ហាក់ដូចជាបាត់បង់សមរភូមិក្នុងតំបន់សាហែល។

លោក Joseph Siegle នាយកស្រាវជ្រាវនៃមជ្ឈមណ្ឌលអាហ្វ្រិកសម្រាប់ការសិក្សាយុទ្ធសាស្ត្រនៅសាកលវិទ្យាល័យការពារជាតិ ដែលផ្តល់មូលនិធិដោយមន្ទីរបញ្ចកោណ បាននិយាយថា៖ «មានភាពខ្វះនូវ         កិច្ចសហប្រតិបត្តិការសន្តិសុខអន្តរជាតិទាំងស្រុង»។ «ពួកគេទាំងអស់ គឺជាផ្នែកនៃកិច្ចខិតខំប្រឹងប្រែង ក្នុងតំបន់ទូលំទូលាយ ដើម្បីព្យាយាមគាំទ្រប្រទេសទាំងនោះ»។