កម្មករនៅប្រទេសវ៉េណេស៊ុយអេឡា មកពីទូទាំងប្រទេស បានប្រមូលផ្តុំគ្នានៅរដ្ឋធានីការ៉ាកាស កាលពីថ្ងៃពុធ ដើម្បីបង្ហាញពីការគាំទ្ររបស់ពួកគេចំពោះប្រធានាធិបតី លោក នីកូឡាស់ ម៉ាឌូរ៉ូ និងបានថ្កោលទោសទណ្ឌកម្ម ដែលបានដាក់ដោយសហរដ្ឋអាមេរិក។

ក្នុងចំណោមអ្នកដែលចេញធ្វើបាតុកម្មក្នុងទិវាពលកម្មអន្តរជាតិ ១ ឧសភា លោក អ៊ីតហ្គា វីលេននូវ៉ា(Edgar Villanueva) ជាកម្មករ មកពីរដ្ឋ ខន់ជេត(Cojedes) ភាគកណ្តាល បានប្រាប់ទូរទស្សន៍រដ្ឋថា លោកកំពុងបង្ហាញពីការបដិសេធរបបស់លោក ចំពោះទណ្ឌកម្មដែលកំពុងធ្វើឱ្យប៉ះពាល់ដល់ការងារ និងអំណាចនៃការទិញរបស់ពួកគេ។

លោក Carlos Moreno មកពីរដ្ឋ ឌែលតា អាម៉ាគូរ៉ូ (Delta Amacuro) ភាគខាងកើត បាននិយាយថា កម្មករបន្តគាំទ្រប្រធានាធិបតីលោក នីកូឡាស់ ម៉ាឌូរ៉ូ ដែលនៅតែរឹងមាំ ឆ្លងកាត់ការលំបាកទាំងអស់ ដែលប្រទេសរបស់យើងបានឆ្លងកាត់។

លោក Maduro បានអបអរដល់កម្មករក្នុងទិវាពលកម្មអន្តរជាតិ នៅក្នុងការបង្ហោះសារនៅលើប្រព័ន្ធផ្សព្វផ្សាយសង្គមរបស់លោក។