កងកម្លាំងអ៊ីស្រាអែល បានបញ្ចេញវីដេអូនៃ«ប្រតិបត្តិការប្រឆាំងភេរវកម្មយ៉ាងច្បាស់លាស់» ដែលធ្វើឡើងនៅ ទីក្រុងរ៉ាហ្វាខាងកើត កាលពីថ្ងៃអង្គារ ខណៈដែលប្រទេសនេះ ប្រឈមមុខនឹងការរិះគន់ពីលោក ប្រធានាធិបតី បៃដិន ចំពោះការបន្តឆ្ពោះទៅមុខជាមួយនឹងការវាយប្រហារនេះ។

ទាហានថ្មើរជើងរបស់អ៊ីស្រាអែល អាចត្រូវបានគេមើលឃើញថា កំពុងប្រតិបត្តិការជាមួយនឹងរថពាសដែកនៅក្នុងវីដេអូ ទោះបីជាអ៊ីស្រាអែល បាននិយាយថា ខ្លួនបានធ្វើការវាយប្រហារតាមអាកាសទៅលើគោលដៅប្រហែល ១០០កន្លែង នៅទូទាំងតំបន់ហ្កាហ្សាក៏ដោយ។ កងកម្លាំងការពារអ៊ីស្រាអែល (IDF) បានអះអាងថា ប្រតិបត្តិការជើងគោករបស់ខ្លួន បានកម្ចាត់ភេរវករហាម៉ាស់ និងបំផ្លាញហេដ្ឋារចនាសម្ព័ន្ធក្រោមដីរបស់ពួកគេ។

កងកម្លាំងការពារអ៊ីស្រាអែល (IDF) បាននិយាយនៅក្នុងសេចក្តីថ្លែងការណ៍មួយ៖«ក្នុងអំឡុងពេលនៃការជួបប្រជុំគ្នាជាច្រើនថ្ងៃកន្លងមកនេះ IDF បានសម្លាប់ភេរវករ និងបានរកឃើញហេដ្ឋារចនាសម្ព័ន្ធ     ភេរវកម្ម ក៏ដូចជារបាំងផ្លូវក្រោមដី នៅក្នុងទីតាំងជាច្រើននៅតំបន់រ៉ាហ្វាភាគខាងកើត។ កងទ័ព បានចាប់ផ្តើមដំណើរការរុះរើហេដ្ឋារចនាសម្ព័ន្ធភេរវកម្ម និងរបាំងផ្លូវក្រោមដីជាច្រើន។

សេចក្តីថ្លែងការណ៍នោះ បានបន្តថា៖«ក្នុងពេលដំណាលគ្នា ដោយផ្អែកលើព័ត៌មានចារកម្មអំពីក្រុមភេរវករដែលកំពុងប្រតិបត្តិការ នៅក្នុងតំបន់នេះ កងកម្លាំងការពារអ៊ីស្រាអែល បានធ្វើការវាយឆ្មក់តាមគោលដៅលើច្រកឆ្លងកាត់រ៉ាហ្វា (Rafah Crossing) នៅភាគខាងកើតនៃទីក្រុងរ៉ាហ្វា។

កងកម្លាំងការពារអ៊ីស្រាអែល បានបន្ថែមថា៖«ពេញមួយថ្ងៃកន្លងមក យន្តហោះចម្បាំង និងយន្តហោះ IAF បានវាយប្រហារលើគោលដៅភេរវកម្មជាង ១០០កន្លែង នៅទូទាំងតំបន់ហ្កាហ្សាស្ទ្រីប រួមទាំងរចនាសម្ព័ន្ធយោធា ប៉ុស្តិ៍សង្កេតការណ៍ និងហេដ្ឋារចនាសម្ព័ន្ធយោធាបន្ថែមទៀត»។