ភ្នំពេញ៖ ក្រុមយុវជនសង្គមស៊ីវិល នៅកម្ពុជា នៅថ្ងៃទី១៣ ខែឧសភា ឆ្នាំ ២០២៤នេះ បាន​ចេញ​សេចក្តី​ថ្លែងការណ៍ បង្ហាញការសោយស្តាយចំពោះយុវជន​ចលនាខុសច្បាប់មួយចំនួនតូច នៅតែ​បន្ត​យក​វិស័យបរិស្ថានធ្វើជាឈ្នាន់នយោបាយរបស់ក្រុមប្រទេសជ្រុលនិយម។ ក្រុមយុវជន​សង្គម​ស៊ីវិល បានសម្តែងការសោកស្តាយបំផុតចំពោះសកម្មភាពយុវជនមួយក្រុមបានប្រើលេស ស្រឡាញ់​បរិស្ថាន ការពារបរិស្ថាន ហើយតែង​តែផ្សព្វផ្សាយ​វាយប្រ​ហារ​មក​លើ​រាជ​រដ្ឋាភិបាល​កម្ពុជា​ក្នុង​ន័យមិនល្អ ដោយមិនបានសិក្សាពីស្ថាប័នពាក់ព័ន្ធពិសេស ស្ថាប័នក្រសួងបរិស្ថាន ជាដើម។

ក្រុមយុវជនសង្គមស៊ីវិល គត់សម្គាល់ឃើញថា ការចុះផ្សាយព័ត៌មានរបស់ពួកគេកន្លងមក គ្រាន់តែជាសេណារីយ៉ូ របស់ជនបរទេសអ្នកនៅពីក្រោយតែប៉ុណ្ណោះ គឺមិនបានឆ្លុះបញ្ចាំងពី

តថភាពពិតនៅកម្ពុជាឡើយ បែរជាបង្ហាញ​តែ​ព័ត៌មាន​មិន​ច្បាស់លាស់​មួយ​ជ្រុង​ទៅ​ឱ្យ​មហាជន​យល់​ច្រឡំ​ទៅវិញ ពិសេសពួកគេបានបង្កើត ព្រឹត្តិការណ៍ ធ្វើសកម្មភាព ជាច្រើន បង្ករភាព​ភាន់ច្រឡំ និងបង្កើតភាពវឹកវរមានលក្ខណៈញុះញង់ជាដើម។   

ក្រុម​យុវជនសង្គមស៊ីវិល បង្ហាញការសោកស្តាយ ដែលក្រុម​យុវជន​មួយ​ចំនួន​គឺ​ពួក​គេ​កំពុង​តែ​រិះ​រក​វិធី​សាស្រ្តយករឿងបរិស្ថានធ្វើជាឈ្នាន់នយោបាយបម្រើជន​បរទេស​ទាំងមិនដឹងខ្លួន គឺ​ងប់​ងុល​លង់​លក់​ដោយ​មិនបានបើកចិត្តទូលាយមើលការខិតខំរបស់រាជរដ្ឋាភិបាលកម្ពុជា។   ពួកគេត្រូវ​បាន​មនោគម​វិជ្ជា​ខ្មៅ​កខ្វក់​ពី​ក្រុម​ជ្រុលនិ​យ​ម​ដោយ​មិន​បាន​បើក​ចិត្ត​ទទួលយ​កស​មិទ្ធផល​ជាច្រើន​នៅ​ក្នុង​ប្រទេសខ្លួន។ ពិតជាគួរឱ្យសង្វេកដល់ដួងប្រលឹងបុព្វបុរសខ្មែរគ្រប់ជំនាន់ដែលខំសាងស្នាដៃ និង​ការ​ពារ​ទឹក​ដី​សុវណ្ណភូមិតាំងពីដើមរាងមក ប៉ុន្ដែពួកគេក្នុង​នាម​ជាយុវជន​ខ្មែរ​បែរ​ជា​បណ្ដោយ​ខ្លួន​ឱ្យ​ចាញ់​កល់​មនោគម​វិជ្ជា​ខ្មៅកខ្វក់របស់ក្រុមបរទេសជ្រុលនិយមទៅវិញ។

 ក្រុមយុវជន​សង្គមស៊ីវិល បង្ហាញការសោកស្តាយ ចំពោះអ្នកនយោបាយ​ភៀស​ខ្លួន​ទណ្ឌិត​ខុស​ច្បាប់​ក្រៅ​ប្រទេសចាស់វស្សារ បែរជាយករូបភាពយុវជន និងបង្វក់ឲ្យយុវជន​ធ្វើ​សកម្មភាព​មិន​ហុច​ផល​ជូន​សង្គមជាតិ ហើយថែមទាំងនៅពីក្រោយយុវជន ដើម្បីចាក់ឆ្កឹះឆ្កៀល​ដើម្បី​តែកេង​ចំណេញ​ន​យោបាយជ្រុលនិយមខ្មៅកខ្វក់របស់ខ្លួនទៅវិញ។

យុវជនសង្គមស៊ីវិល បានអំពាវដល់ក្រុមយុវជនមួយចំនួនតូចដែលកំពុងដើរផ្លូវខុស សូម​យក​ស្មារតី​ជាតិ​និយមជាធំ កុំព្រោះតែផល​ប្រយោជន៍​ផ្ទាល់​ខ្លួន​បន្តិចបន្ទួច​ហ៊ាន​ហាមា​ត់​និយាយ​បង្ខូច​ជាតិ​សាសន៍ខ្លួនឯង។ សូមបងប្អូនយកចំណេះជំនាញរបស់ខ្លួនមកអភិវឌ្ឍន៍ប្រទេសជាតិរួមគ្នា ធ្វើសកម្មភាពឱ្យស្របទៅតាមច្បាប់ជាធរមានឡើងវិញ! ។  

យុវជនសង្គមស៊ីវិល នៅក្នុងប្រទេសកម្ពុជា ក្នុងនាមបានលើកឡើងថា ពួកគេ មិន​អាច​ឱប​ដៃ​ឈរ​មើល​ចំពោះ យុវជនឬជនបរទេស និងបណ្តាល អង្គការ សមាគម ណាមកចង់កេ​ញ​ចំណេញ​នយោបាយ ឬបង្កើតភាពវឹកវរនៅប្រទេសកម្ពុជាជាដាច់ខាត។ ក្រុមយុវជន​បាន​ប្តេជ្ញា​ប្រើសិទ្ធិក្នុង​នាម​ជា​យុវជនខ្មែរ ដើម្បីចូលរួមឆ្លើយតបគ្រប់រូបភាព និងសកម្មភាពជាក់ស្តែងត្រឡប់ទៅវិញ៕