រុស្ស៊ីបានបិទមូលដ្ឋានយោធាមួយក្នុងប្រទេសអាស៊ែរបៃហ្សង់កាលពីថ្ងៃពុធ ជាទីដែលកងទ័ពរបស់ខ្លួនជិត ២.០០០នាក់ ត្រូវបានដាក់ពង្រាយ បន្ទាប់ពីកងកម្លាំងអាស៊ែរបៃហ្សង់ បានដណ្តើមយកតំបន់នេះវិញកាលពីឆ្នាំមុន បើទោះបីជាបេសកកម្មរបស់រុស្ស៊ីរយៈពេលពីរឆ្នាំ ដើម្បីទប់ស្កាត់សង្គ្រាមរវាងអាស៊ែរបៃហ្សង់ និងអាមេនី ក៏ដោយ។

កងរក្សាសន្តិភាពរុស្ស៊ីសរុបចំនួន ១.៩៦០នាក់ ត្រូវបានគេដាក់ឲ្យឈរជើង នៅក្នុងបន្ទាយចំនួន ១០នៅមូលដ្ឋាននៅទីប្រជុំជន Khojaly ដែលជាទីប្រជុំជនក្នុងតំបន់ការ៉ាបាក់។ ទោះបីជាមានការដាក់ពង្រាយកងទ័ពក៏ដោយ ក៏ ប្រទេសស៊ែរបៃហ្សង់ បានដណ្តើមយកតំបន់ការ៉ាបាក់មកវិញ នៅក្នុងការវាយលុកផ្លេកបន្ទោរ កាលពីខែកញ្ញាឆ្នាំមុន ដែលជំរុញឲ្យមានការជម្លៀសជនជាតិអាមេនីចំនួន ១០០.000នាក់ ដែលបានរីករាយនឹងឯករាជ្យភាពជាក់ស្តែង ចាប់តាំងពីការបែកបាក់គ្នា ក្នុងទសវត្សរ៍ឆ្នាំ ១៩៩០ នៅក្នុងសង្រ្គាមដំបូងនៃសង្រ្គាមពីររវាងប្រទេសជិតខាងតំបន់កូកាសខាងត្បូង ( South Caucasus) ។

លោក ឧត្តមសេនីយ៍ទោ Yevgeny Nikiforov បាននិយាយនៅក្នុងពិធីចាកចេញនោះថា៖«វត្តមានរបស់កងរក្សាសន្តិភាពរុស្ស៊ី បានធ្វើឲ្យមានលទ្ធភាពបង្កើតសន្តិភាព នៅលើទឹកដីអាស៊ែរបៃហ្សង់»។

នាយអគ្គសេនាធិការកងទ័ពរបស់ប្រទេសអាស៊ែរបៃហ្សង់ លោកវរសេនីយ៍ទោ Kerim Valiyev បាននិយាយថា ប្រទេសរុស្ស៊ី បានខិតខំប្រឹងប្រែង «ដើម្បីបង្កើតសន្តិភាព នៅក្នុងតំបន់សេដ្ឋកិច្ចការ៉ាបាក់» និងនាំឲ្យជម្លោះជាច្រើនទសវត្សរ៍ ដល់ទីបញ្ចប់»។

ប្រទេសអាមេនី មានតួនាទីខុសពីរុស្ស៊ី។ ប្រទេសនេះ បានចោទប្រកាន់ទីក្រុងមូស្គូថា បានបរាជ័យ ដោយមិនបានធ្វើអ្វីដើម្បីការពារអាស៊ែរបៃហ្សង់ពីការដណ្តើមយកតំបន់ការ៉ាបាក់ដោយកម្លាំង និងអនុវត្តនូវអ្វីដែលខ្លួនហៅថា ការបោសសម្អាតជនជាតិភាគតិច ជាអ្វីដែលអាស៊ែរបៃហ្សង់ បានបដិសេធ។