កាំភ្លើងធំអ៊ុយក្រែននៅលើខ្សែត្រៀមជួរមុខនៃតំបន់ខាគីវ កំពុងប្រឈមមុខនឹងការគំរាមកំហែងធំជាងពេលណាៗទាំងអស់ពីការវាយប្រហារដោយដ្រូនពិឃាត Lancet របស់កងនាវារុស្ស៊ី នេះបើយោងតាមកងកំាភ្លើងធំដែលកំពុងប្រយុទ្ធនៅទីនោះ។

លោក Artist ជាមេបញ្ជាការកងពលធំថ្មើរជើងលេខ៤២ ដែលបាននិងកំពុងវាយបកទៅលើការវាយលុកថ្មីរបស់រុស្ស៊ីក្នុងតំបន់នេះ កាលពីសប្តាហ៍មុន បាននិយាយថា៖«ដ្រូនមួយគ្រឿងមក ពីរនាទីក្រោយមក មានដ្រូនមួយគ្រឿងមកទៀត»។

ទាហាន បានស្នើសុំឲ្យគេហៅតាមសញ្ញាហៅយោធាតែប៉ុណ្ណោះ ដើម្បីការពារអត្តសញ្ញាណរបស់ពួកគេ។

យានដ្រូនដែលមានស្លាបរាងអក្សរ X និងផ្ទុកសារធាតុផ្ទុះជាច្រើនគីឡូក្រាម គឺជាការគំរាមកំហែងដ៏ធំបំផុតមួយចំពោះកាំភ្លើងធំ និងរថពាសដែករបស់អ៊ុយក្រែន អស់រយៈពេលជាងមួយឆ្នាំហើយនោះ។

ទោះជាយ៉ាងណាក៏ដោយ យានិកនៃកងកាំភ្លើងធំ 2S1 Gvozdika សម័យសូវៀត ដែលសារព័ត៌មានរ៉យទ័រ បាននិយាយកាន់នោះ មិនដែលឃើញអ្វីមួយនៅជិតយានដ្រូនពិឃាត Lancets ដែលកំពុងហោះហើរ នៅលើដែនអាកាសនៃតំបន់ខាគីវនោះទេ បើទោះបីជាបានឃើញមាននៅពីខាងលើផ្នែកខ្លះនៃខ្សែត្រៀមជួរមុខក៏ដោយ។

លោក Samuel Bendett អ្នកស្រាវជ្រាវជាន់ខ្ពស់នៅមជ្ឈមណ្ឌលសម្រាប់ការសិក្សាស្រាវជ្រាវសន្តិសុខអាមេរិកថ្មី បានប្រាប់សារព័ត៌មានរ៉យទ័រថា ខ្លួនកំពុងតាមដានការលើកឡើងបន្ថែមទៀតអំពីការវាយប្រហារដោយដ្រូនពិឃាត Lancet នាពេលថ្មីៗនេះ នៅលើបណ្តាញប្រព័ន្ធផ្សព្វផ្សាយសង្គមដែលគាំទ្ររុស្ស៊ី។