ប្រធានសភាអាមេរិក លោក Mike Johnson បាននិយាយថា សមាជិកសភាអាមេរិក កំពុងថ្លឹងថ្លែងពីជម្រើសនៃការដាក់ទណ្ឌកម្មលើតុលាការឧក្រិដ្ឋកម្មអន្តរជាតិ (ICC) ប្រសិនបើខ្លួនចេញដីកាចាប់ខ្លួននាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu)។

លោកបាននិយាយនៅក្នុងសេចក្តីថ្លែងការណ៍មួយថា៖«ក្នុងករណីដែលគ្មានការដឹកនាំពីសេតវិមាន សភាកំពុងពិនិត្យមើលជម្រើសទាំងអស់ រួមទាំងការដាក់ទណ្ឌកម្ម ដើម្បីដាក់ទណ្ឌកម្ម ICC និងធានាថា ថ្នាក់ដឹកនាំរបស់តុលាការនេះ ប្រឈមមុខនឹងផលវិបាក ប្រសិនបើពួកគេដំណើរការ។ ប្រសិនបើ ICC ត្រូវបានអនុញ្ញាតឲ្យគំរាមកំហែងក្រុមមេដឹកនាំអ៊ីស្រាអែល នោះជម្រើសរបស់យើង អាចជាបន្ទាប់។

សេចក្តីថ្លែងការណ៍នោះ បានបន្តថា៖«តុលការ ICC មិនមានសិទ្ធិអំណាចលើអ៊ីស្រាអែល ឬសហរដ្ឋអាមេរិកទេ ហើយការសម្រេចចិត្តគ្មានមូលដ្ឋាន និងខុសច្បាប់នាពេលបច្ចុប្បន្ននេះ គួរតែប្រឈមមុខនឹងការថ្កោលទោសជាសកល»។

លោក Johnson ក៏បានចោទប្រកាន់រដ្ឋបាលរបស់ប្រធានាធិបតីអាមេរិក លោក ចូ បៃដិន (Joe Biden) ថា បានជួយតុលាការ ICC ដោយយុទ្ធនាការដាក់សម្ពាធលើអ៊ីស្រាអែល។ ប្រធានសភារូបនេះ បាននិយាយថា តុលការ ICC ជាមួយនឹងចំណាត់ការរបស់ខ្លួន គឺចាត់ទុកមន្ត្រីអ៊ីស្រាអែលស្មើគ្នាជាមួយក្រុមហាម៉ាស។