មេដឹកនាំនៃតំបន់ឆេឈ្នៀរបស់ប្រទេសរុស្ស៊ី លោក Ramzan Kadyrov បាននិយាយនៅព្រឹកថ្ងៃព្រហស្បតិ៍នេះថា លោកបានជួបជាមួយលោកប្រធានាធិបតី វ្ល៉ាឌីមៀ ពូទីន (Vladimir Putin) នៅវិមានក្រឹមឡាំង ហើយបានយល់ព្រមបញ្ជូនប្រយុទ្ធជនបន្ថែមទៀត ដើម្បីជួយទីក្រុងមូស្គូ ក្នុងជម្លោះដែលអូសបន្លាយជាងពីរឆ្នាំ នៅអ៊ុយក្រែន។

លោក Kadyrov ដែលបានដឹកនាំតំបន់កូកាសខាងត្បូង ( South Caucasus) របស់ខ្លួនក្នុងនាមជាអ្នកស្មោះត្រង់របស់វិមានក្រឹមឡាំង តាំងពីឆ្នាំ ២០០៧ បានបង្ហោះរូបថតរបស់លោកជាមួយលោក ពូទីន ហើយបាននិយាយថា ខ្លួនបានពិភាក្សាអំពីបញ្ហាសេដ្ឋកិច្ច និងទស្សនវិស័យរបស់តំបន់នេះ ហើយបានអញ្ជើញលោកប្រធានាធិបតី ទៅទស្សនកិច្ច។

លោកបាននិយាយថា យុទ្ធជនរាប់ម៉ឺននាក់ ដែលបានទទួលការហ្វឹកហ្វឺនយ៉ាងល្អ និងបំពាក់អាវុធគ្រប់គ្រាន់មកពីក្រុមទាហានបម្រុង ត្រូវបានរៀបចំ ដើម្បីប្រយុទ្ធសម្រាប់ប្រទេសរុស្ស៊ី នៅអ៊ុយក្រែន ប្រសិនបើមានបទបញ្ជានោះ។

លោកបាននិយាយថា កងទ័ពសរុបចំនួន ៤៣.៥០០ នាក់ បានបម្រើការ នៅក្នុងប្រទេសអ៊ុយក្រែនរួចហើយ រួមទាំងអ្នកស្ម័គ្រចិត្តចំនួន ១៨.000នាក់ផងនោះ ។

លោក Kadyrov បានសរសេរថា៖«ខ្ញុំក៏បាននាំយកនូវការជូនពររបស់ប្រជាជនរបស់យើង ជូនលោកប្រធានាធិបតី និងបានអញ្ជើញមេដឹកនាំជាតិរបស់យើងឲ្យមកទស្សនកិច្ច នៅសាធារណរដ្ឋឆេឆេន         ផងដែរ»។