ជប៉ុន៖ នាយករដ្ឋមន្ត្រីជប៉ុន លោក Yosihide Suga កាលពីថ្ងៃសុក្របានបញ្ជាក់ជាថ្មីថា ការប្រកួតកីឡាអូឡាំពិកមិនជាប់ពាក់ព័ន្ធ ទៅនឹងការកើនឡើងនៃករណីឆ្លងវីរុស COVID-19 នៅក្នុងប្រទេសជប៉ុននាពេលបច្ចុប្បន្ននេះទេ។
លោក Suga ដែលត្រូវបានគេរិះគន់ ចំពោះការទទូចឱ្យធ្វើជាម្ចាស់ផ្ទះកីឡាអូឡាំពិក ទោះបីជាមានការផ្ទុះឡើងនៃវីរុសឆ្លងបាននិយាយ អំឡុងសន្និសីទព័ត៌មាននៅទីក្រុង Hiroshima ថា គ្មានភស្តុតាងការជាប់ពាក់ព័ន្ធការកើនឡើង នៃករណីឆ្លងវីរុសទៅនឹងព្រឹត្តិការណ៍កីឡាទេ។ លោកបាននិយាយថា ខ្ញុំស្នើឱ្យប្រជាជននៅគ្រប់ឱកាសទាំងអស់មើលការប្រកួតកីឡានៅផ្ទះ ដើម្បីទប់ស្កាត់ការចេញក្រៅដែលមិនចាំបាច់ និងមិនបន្ទាន់។ ទីក្រុងតូក្យូបានស្ថិតនៅក្នុងស្ថានភាពរដ្ឋក្នុងគ្រាអាសន្នចាប់តាំងពីពាក់កណ្ដាលខែកក្កដា ហើយតំបន់ចំនួនបួនផ្សេងទៀតរបស់ប្រទេសត្រូវបានបន្ថែមវិធានការរឹតត្បិត។
ប៉ុន្តែវិធានការ ដែលរួមទាំងការរឹតត្បិតពេលវេលាឲ្យបើកកាន់ខ្លីជាងមុន និងការហាមឃាត់ ការសេពគ្រឿងស្រវឹង សម្រាប់ភោជនីយដ្ឋាន និងបារ ត្រូវបានសាធារណជនមិនអើពើដែលបានធុញទ្រាន់នឹងវិធានការរឹតត្បិតនេះ។ ប្រទេសជប៉ុនមានករណីឆ្លងវីរុស COVID-19 សរុប ៩៨៥,៦៩០ករណី និងមានអ្នកស្លាប់ ១៥,២៤០នាក់៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
