អាជ្ញាធរបានបញ្ឈប់ការប្រកបអាជីវកម្ម ទូកកាណូតទេសចរណ៍ឈ្មោះ «បុប្ផាអង្គរ» ជាស្ថាពរ ចាប់ពីថ្ងៃនេះតទៅ ក្រោយទទួលបានព័ត៌មានចែកចាយនៅតាមបណ្តាញសង្គមថាបានបោះចោលសំរាមចូលក្នុងទឹកទន្លេ។
នៅព្រឹកថ្ងៃទី២៩ ខែឧសភា ឆ្នាំ២០២៤ រដ្ឋបាលខណ្ឌដូនពេញ បានអញ្ជើញ ម្ចាស់ទូកកាណូតទេសចរណ៍ដែលមានឈ្មោះ «បុប្ផាអង្គរ» មកសាកសួរក្រោយទទួលបានព័ត៌មានចែកចាយនៅតាមបណ្តាញសង្គមថាបានបោះចោលសំរាមចូលក្នុងទឹកទន្លេ ហើយម្ចាស់ទូកខាងលើ បានទទួលស្គាល់ថាពិតជាបានធ្វើពិតប្រាកដមែន។
បន្ទាប់ពីបានធ្វើការសាកសួរ រួចមក រដ្ឋបាលខណ្ឌបានសម្រេច៖
១-អប់រំណែនាំដល់ម្ចាស់ទូកកាណូតទេសចរណ៍ខាងលើ ឱ្យយល់ច្បាស់ពីច្បាប់ស្តីពីបរិស្ថាន។
២-ផាកពិន័យម្ចាស់ទូកកាណូតទេសចរណ៍ខាងលើ ជាទឹកប្រាក់ចំនួន ២០០,០០០រៀល តាមជំពូកទី៧ នៃអនុក្រឹត្យលេខ ១១៣ អនក្រ.បក របស់ក្រសួងបរិស្ថាន។
៣-បញ្ឈប់ការប្រកបអាជីវកម្ម ទូកកាណូតទេសចរណ៍ឈ្មោះ បុប្ផាអង្គរ ជាស្ថាពរ ចាប់ពីថ្ងៃនេះតទៅ។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
