ប្រធានាធិបតីចិនលោក Xi Jinping (ស៊ី ជីនពីង) នៅថ្ងៃព្រហស្បតិ៍ (ទី៣០ ខែឧសភា) នេះ បាននិយាយថា ប្រទេសចិនមានឆន្ទៈក្នុងការលើកកម្ពស់កិច្ចសហប្រតិបត្តិការលើវិស័យបញ្ញាសិប្បនិមិត្ត (AI) និងធ្វើឲ្យប្រសើរឡើងនូវប្រព័ន្ធអភិបាលកិច្ចសកលដែលមានមូលដ្ឋានយ៉ាងទូលំទូលាយ ស្ដីអំពី AI ជាមួយបណ្តាប្រទេសអារ៉ាប់។

លោក ស៊ី បានធ្វើការកត់សម្គាល់បែបនេះ នៅពេលដែលលោកថ្លែងសុន្ទរកថាក្នុងកិច្ចប្រជុំ អំឡុងពិធីបើកសន្និសីទថ្នាក់រដ្ឋមន្ត្រីលើកទី១០ នៃវេទិកាសហប្រតិបត្តិការរដ្ឋ ចិន-អារ៉ាប់ នៅទីក្រុងប៉េកាំង។

លោក ស៊ី បានថ្លែងថា៖ «ប្រទេសចិននឹងសាងសង់ជាមួយភាគីអារ៉ាប់នូវមន្ទីរពិសោធន៍រួមចំនួន ១០កន្លែង នៅក្នុងតំបន់ ដូចជាជីវិត និងសុខភាព AI ការអភិវឌ្ឍបៃតង និងកាបូនទាប កសិកម្មទំនើប ហើយនិងបច្ចេកវិទ្យាលំហអាកាស និងព័ត៌មានវិទ្យា។ យើងនឹងលើកកម្ពស់កិច្ចសហប្រតិបត្តិការ ស្ដីអំពី AI ដើម្បីធ្វើឲ្យវាក្លាយជាសេដ្ឋកិច្ចពិតប្រាកដ និងដើម្បីធ្វើឲ្យប្រសើរឡើងនូវប្រព័ន្ធអភិបាលកិច្ចសកលដែលមានមូលដ្ឋានទូលំទូលាយ ស្ដីអំពី AI»។

មេដឹកនាំចិនរូបនេះ បានបន្ថែមថា៖ «យើងក៏ត្រៀមខ្លួនរួចជាស្រេចហើយ ដើម្បីសាងសង់ជាមួយភាគីអារ៉ាប់នូវមជ្ឈមណ្ឌលសង្កេតមើលកម្ទេចកម្ទីអវកាសរួមគ្នា និងកម្មវិធី BeiDou មជ្ឈមណ្ឌលសហប្រតិបត្តិការ និងអភិវឌ្ឍន៍ និងបង្កើនកិច្ចសហប្រតិបត្តិការក្នុងបេសកកម្មអវកាសដែលមានមនុស្សបញ្ជា ហើយនិងក្រុមហ៊ុនអាកាសចរណ៍ស៊ីវិល»៕