យ៉ាងហោចណាស់ទាហាន៣០០0នាក់ មកពីឆ្មាំជាតិរដ្ឋតិចសាស់ បានផ្លាស់ទៅកាន់មូលដ្ឋានថ្មីនៅ ទីក្រុង Eagle Pass កាលពីថ្ងៃសុក្រ ទី៣១ ខែឧសភា ក្នុងគោលបំណងរារាំងការឆ្លងកាត់ព្រំដែនដែលគ្មានឯកសារ។

ផែនការនេះ ត្រូវបានដាក់ចេញដោយអភិបាលរដ្ឋតិចសាស់ លោក Greg Abbott រួមមានការពង្រីកមូលដ្ឋាន ដើម្បីដាក់ពង្រាយទាហានរហូតដល់១.៧០០ នាក់។

លោក Abbott បានចុះទៅពិនិត្យកន្លែងនានា កាលពីថ្ងៃសុក្រ រួមជាឧត្តមសេនីយ៍ ថូម៉ាស មឺ ស៊ូលអ៊ែលហ្សឺ (Thomas M. Suelzer) និងមេបញ្ជាការរង មកពីអង្គភាពយោធារដ្ឋតិចសាស់។

វិធានការនានារបស់អភិបាលរដ្ឋ គឺដើម្បីទប់ស្កាត់ការធ្វើអន្តោប្រវេសន៍ រួមមានទាំងដាក់របាំងបណ្តែតទឹកប្រវែង ១.០០០ហ្វីត នៅក្នុងទន្លេ Rio Grande ដែលជាប្រធាននបទមួយ ចំពោះការប្រយុទ្ធប្រឆាំង ផ្លូវច្បាប់ពីរដ្ឋបាល របស់លោក Biden ។