នៅថ្ងៃចន្ទនេះ សមាជិកគ្រួសារ al-Breim រស់នៅក្នុងតំបន់ហ្កាហ្សាស្រ្ទីប បានគាស់កាយលំនៅដ្ឋានរងការបំផ្លិចបំផ្លាញរបស់ពួកគេ បន្ទាប់ពីការវាយប្រហារតាមច្រកអាកាសរបស់អ៊ីស្រាអែលលើទីក្រុង Khan Younis នៅព្រឹកមិញនេះ ។

ក្រសួងសុខាភិបាលនៅតំបន់ហ្កាហ្សា និយាយថា មនុស្ស ១០នាក់ រួមទាំងកុមារ ៣នាក់ ត្រូវបានសម្លាប់នៅក្នុងការវាយប្រហារនេះ ។

ផ្ទះ ២ខ្នងរបស់គ្រួសារ al-Breim និងគ្រួសារ Abu Khater រងការបំផ្លិចបំផ្លាញ ដោយសារការវាយប្រហារតាមច្រកអាកាសរបស់អ៊ីស្រាអែល ។

លោក Abu Suleiman គឺជាមេគ្រួសារ al-Breim និយាយប្រាប់ទីភ្នាក់ងារព័ត៌មានរ៉យទ័រថា លោកជឿថា សហរដ្ឋអាមេរិក មានចំណែកក្នុងឧក្រិដ្ឋកម្មមួយនេះ ។

លោកបន្តថា ពួកគេគឺជាប្រទេសដែលផ្តល់អាវុធដល់អ៊ីស្រាអែល ពួកគេគឺជាអ្នកផ្តល់លុយ ពួកគេគឺជាអ្នកគាំទ្រអ្វីគ្រប់បែបយ៉ាងទាំងអស់ដល់អ៊ីស្រាអែល ។ ពួកគេគឺជាឧក្រិដ្ឋករ ពួកគេគឺជាអ្នកគាំទ្រលទ្ធិហ្សាអឺន ។

ដោយឡែក លោក Ayman al-Breim ដែលបាត់បង់សមាជិកគ្រួសារម្នាក់ក្នុងការវាយប្រហារតាមច្រកអាកាសនេះ និយាយថា សាច់ញាតិបានព្យាយាមស្វែងរក និងបោសកម្ទេចកម្ទីដោយប្រើដៃទទេរ ។ ពួកគេគ្មានឧបករណ៍ជីក ឬគាស់កាយនោះទេ ៕