មេធាវី និងគណបក្សរបស់លោក Imran Khan បាននិយាយថា តុលាការជាន់ខ្ពស់ក្នុងប្រទេសប៉ាគីស្ថានបានសម្រេចឲ្យអតីតនាយករដ្ឋមន្ត្រីរួចពីបទចោទប្រកាន់ធ្វើឲ្យបែកធ្លាយព័ត៌មានសម្ងាត់រដ្ឋ នៅថ្ងៃចន្ទ (ទី៣ ខែមិថុនា) នេះ ប៉ុន្តែរូបលោកនឹងនៅតែបន្តជាប់ពន្ធនាគារដដែល សម្រាប់ពេលនេះ ដោយសារការផ្តន្ទាទោស នៅក្នុងករណីផ្សេងទៀត។

គួរជា្របថា លោក Khan ដែលមានអាយុ ៧១ឆ្នាំ ត្រូវបានកាត់ទោសឲ្យជាប់ពន្ធនាគាររយៈពេល ១០ឆ្នាំដោយតុលាការជាន់ទាប ជុំវិញការចោទប្រកាន់ថា បានធ្វើឲ្យបែកធ្លាយជាសាធារណៈនូវទូរលេខសម្ងាត់ ដែលត្រូវបានផ្ញើទៅកាន់ទីក្រុងអ៊ីស្លាម៉ាបាដដោយឯកអគ្គរដ្ឋទូតប៉ាគីស្ថាន ប្រចាំនៅទីក្រុងវ៉ាស៊ីនតោន កាលពីឆ្នាំ២០២២។

លោក Shah Mehmood Qureshi ដែលជារដ្ឋមន្ត្រីការបរទេសរបស់លោក Khan អំឡុងពេលកាន់តំណែងពីឆ្នាំ ២០១៨-២០២២ ក៏ត្រូវបានរួចផុតពីការចោទប្រកាន់ក្នុងករណីនេះផងដែរ។

តែយ៉ាងណាក្ដី ទោះបីជាមានការលើកលែងទោសក៏ដោយ ក៏លោក Khan នឹងនៅតែជាប់ពន្ធនាគារដដែល ដោយត្រូវបានកាត់ទោសនៅក្នុងករណីមួយផ្សេងទៀត ទាក់ទងនឹងអាពាហ៍ពិពាហ៍របស់លោកជាមួយភារិយាទី៣ របស់លោក គឺលោក Bushra Khan ដែលបំពាននឹងទំនៀមទម្លាប់អ្នកកាន់សាសនាឥស្លាម៕