​អាមេរិក៖ រដ្ឋមន្ត្រី​ការបរទេស​អាមេរិក​ លោក Antony Blinken បាន​និយាយ​កាលពី​ថ្ងៃ​ចន្ទ​ ទី​៩ ខែ​សីហា​ថា ​សហរដ្ឋអាមេរិក​ត្រូវការ​ការ​វិនិយោគ​បន្ថែម​ទៀត​នៅ​ក្នុង​ប្រទេស ​ដើម្បី​ប្រកួតប្រជែង​ជាមួយ​គូប្រជែង​ដែល​ដឹកនាំ​ដោយ​ចិន ដោយ​បង្ហាញ​ពី​ការ​បន្ត​វិនិយោគ​ក្នុងស្រុក​ឡើងវិញ​ ជា​គន្លឹះ​នៃ​គោលនយោបាយ​ការបរទេស​។​

សុន្ទរកថា​របស់​ប្រមុខ​ការទូត​អាមេរិក​ ឆ្លុះបញ្ចាំង​ពី​អ្វី​ដែល​រដ្ឋបាល​របស់​ប្រធានាធិបតី Joe Biden ហៅថា ​ជា​គោលនយោបាយ​ការបរទេស​សម្រាប់​វណ្ណៈ​កណ្ដាល ដោយ​ផ្តោត​លើ​ការប្រកួតប្រជែង​ទាំង​ក្នុង ​និង​ក្រៅ​ប្រទេស ​និង​ការកាត់បន្ថយ​ចំណាយ​លើ​ប្រតិបត្តិការ​យោធា​។ ទោះ​យ៉ាង​ណា​ អ្នក​ការទូត​ជាន់ខ្ពស់​សហរដ្ឋអាមេរិក​រូប​នេះ​បាន​និយាយ​ថា ​សហរដ្ឋអាមេរិក​នៅ​តែ​ជា​ប្រទេស ​និង​មាន​សេដ្ឋកិច្ច​ដ៏​មាន​ឥទ្ធិពល​បំផុត​នៅ​លើ​ពិភពលោក ដោយ​ចង្អុលបង្ហាញ​ពី​ប្រវត្តិសាស្ត្រ​ដ៏​យូរ​អង្វែង​នៃ​ការ​បង្កើត​ថ្មី ​និង​របៀប​ដែល​និស្សិត​អន្តរជាតិ​នៅតែ​បន្ត​ចង់​ទៅ​សិក្សា​ នៅ​តាម​សាកលវិទ្យាល័យ​នានា​នៅ​សហរដ្ឋអាមេរិក​។​

លោក Blinken បាន​ពណ៌នា​ប្រទេស​ចិន​ដែល​កំណត់​ដោយ​រដ្ឋបាល​លោក Biden ថា ​ជា​ការ​ប្រកួត​ប្រជែង​រយៈ​ពេល​វែង​ដ៏​លេចធ្លោ​របស់​សហរដ្ឋអាមេរិក​ជា​ “​ការ​កើន​ឡើង​អំណាច​” ប៉ុន្តែ​បាន​និយាយ​ថា​ បញ្ហា​ប្រឈម​លើ​ការប្រកួតប្រជែង​បាន​កើត​ចេញពី​ប្រទេស​ជាច្រើន​៕

អត្ថបទ៖ សុខមាន