ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានប្រកាសនៅយប់ថ្ងៃទី១០ ខែសីហានេះថា លេខ​រៀង​ចា​ក់​​វ៉ាក់​សាំង​​បង្កា​រ​​កូវី​​ដ-​១៩ ទី៨លាន គឺបានទៅលើស្រ្តីម្នាក់ ដែលមានឈ្មោះ ថឹង ថា អាយុ៥៦ឆ្នាំជនជាតិខ្មែរ-ឡាវ រស់​នៅ​ភូមិដន​ឡុ​ង ឃុំ​សេកុង ស្រុកសៀមប៉ាង ខេត្តស្ទឹងត្រែង ហើយសម្តេចសូមអបអរសាទរចំពោះជយលាភីទី៨លាន ដែលបាន​ចាក់​វ៉ាក់សាំង John​s​o​n&Johnson ដែលជាជំនួយរបស់សហរដ្ឋអាមេរិកនោះ។

ដូច​មនុស្សមុនៗយ៉ាងដូច្នេះដែរ សម្តេចតេជោ ហ៊ុន សែន បានប្រកាសថា លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និង​ជាប្រធានក្រុម​ការ​ងា​រ​ចំពោះកិច្ច នៃការចាក់វ៉ាក់សំាងកូវីដ-១៩ ទូទំាងប្រទេសនឹងនាំយកជំនួយថវិកា ១០លានរៀល ព្រម​ទាំង​ស​ម្ភា​រៈផ្សេងៗទៀតទៅប្រគល់ជូនដោយផ្ទាល់។

ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានប្រកាសនៅថ្ងៃ១០ សីហា ២០២១នេះថា ក​ម្ពុ​ជា​​​​យើង បានចាក់វ៉ាក់​សាំង​ការពារកូវីដ-១៩ ដូសទី១បាន៨លាននាក់រួចហើយ គឺស្មើនឹង៨០% នៃប្រជាពល​រដ្ឋ ១០លាននាក់ ដែល​ត្រូវ​ចាក់វ៉ាក់សាំង ដោយមិនទាន់គិតពីកុមារ និង​យុវវ័​យ ដែលបាននិងកំពុងចាក់ព្រមទាំងបងប្អូនដែលបាននិងកំពុងចាក់ដូសទី៣។

សម្តេច​ ​បានបញ្ជាក់ទៀតថា ដំណើរឆ្ពោះទៅរក១០លាននាក់នៅមិនឆ្ងាយពីយើងនោះទេ ដែលធ្វើឲ្យយើងសម្រេចការងារមុនការ​កំណត់ ៧​ទៅ ៨ខែប្រៀបជាមួយផែនការដើមរបស់យើង។

ខណៈនោះដែរសម្តេចតេជោ ហ៊ុន សែន ក៏បានបន្តជូនពរបងប្អូនជនរួមជាតិសូមជួប​តែសេចក្តីសុខសេចក្តីចម្រើន និងចៀសផុតពីជំងឺ​កូវីដ-​១៩ ដោយខិតខំការពារខ្លួនតាមរយៈវិធានការ(៣ការពារនិង៣កុំ)៕ អត្ថបទ៖ បាន ចក់ ​