អ្នកនយោបាយនិយមស្តាំក្នុងស្រុកម្នាក់ មកពីគណបក្ស AfD បានរងរបួសក្នុងហេតុការណ៍វាយប្រហារដោយកាំបិតនៅទីក្រុង Mannheim កាលពីល្ងាចថ្ងៃអង្គារ ។

យោងតាមការរកឃើញដំបូងរបស់នគរបាល បានឲ្យដឹងថា ជនសង្ស័យវ័យ ២៥ឆ្នាំ មានបញ្ហាជំងឺផ្លូវចិត្តធ្ងន់ធ្ងរ ។

ជាងនេះទៅទៀត នគរបាលក្រុង Mannheim ថ្លែងថា គ្មានភស្តុតាងច្បាស់លាស់នោះឡើយថា ខ្មាន់កាំបិត ដឹងថា បុរសម្នាក់នោះ គឺជាអ្នកនយោបាយមកពីគណបក្ស AfD ។

ជងសង្ស័យ ត្រូវបានឃាត់ខ្លួនភ្លាមៗ ក្រោយឧបទ្ទេវហេតុកើតឡើង ខណៈអ្នកនយោបាយរងរបួស កំពុងសម្រាកព្យាបាលនៅក្នុងមន្ទីរពេទ្យ ដោយមានរបួសពុំគំរាមកំហែងដល់អាយុជីវិតនោះទេ ។

ឧបទ្ទេវហេតុនេះដែរ បានកើតមានឡើងរយៈពេលប៉ុន្មានថ្ងៃប៉ុណ្ណោះ ក្រោយការវាយប្រហារដោយដេញចាក់មួយទៀតនៅក្នុងបាតុកម្មប្រឆាំងអ៊ីស្លាម ដែលបណ្តាលឲ្យនគរបាលម្នាក់ បាត់បង់អាយុជីវិត ៕