ក្រុមរដ្ឋអាជ្ញា និយាយកាលពីថ្ងៃពុធថា នគរបាលបារាំង បានចាប់ខ្លួនបុរសមានសញ្ញាតិអ៊ុយក្រែន-រុស្ស៊ី អាយុ ២៦ឆ្នាំម្នាក់ ដែលមានគ្រឿងផ្ទុះនៅជាប់ខ្លួន ក្នុងសណ្ឋាគារ Roissy-en-France ជិតអាកាសយានដ្ឋាន Charles de Gaulle ស្ថិតនៅភាគខាងជើងទីក្រុងប៉ារីស ។

ប្រភពព័ត៌មានពីការិយាល័យរដ្ឋអាជ្ញាប្រឆាំងអំពើភេរវកម្ម PNAT បានឲ្យដឹងថា PNAT បានចោទប្រកាន់ករណីមួយនេះ និងបើកការស៊ើបអង្កេតលើបទសង្ស័យចូលរួមសមគំនិតភេរវកម្ម ។

ប្រភពបានបន្តថា ទីភ្នាក់ងារចារកម្មក្នុងស្រុកបារាំង កំពុងបើកការស៊ើបអង្កេតលើករណីមួយនេះ ។

PNAT និយាយថា ក្រុមស៊ើបអង្កេត បានរកឃើញវត្ថុតាងជាឧបករណ៍ និងសម្ភារៈ សម្រាប់ការផលិតគ្រាប់បែកនៅក្នុងបន្ទប់របស់គាត់ ។

យោងតាមសារព័ត៌មានបារាំង បានឲ្យដឹងថា កាំភ្លើង និងលិខិតឆ្លងដែនក្លែងក្លាយ ត្រូវបានរកឃើញផងដែរ ។

បច្ចុប្បន្ន ជនសង្ស័យកំពុងផ្តល់បទសម្ភាសន៍នៅក្នុងមន្ទីរពេទ្យ ក្រោយទទួលការព្យាបាលការរលាក ហើយបន្ទាប់មក នឹងត្រូវចាប់ខ្លួន ៕