យោងតាមប្រភពពីសភា បានឲ្យដឹងថា គណៈកម្មាធិការថវិការបស់សភាអាល្លឺម៉ង់ ត្រូវបានគេរំពឹងថា នឹងធ្វើការសម្រេច ពាក់ព័ន្ធនឹងសំណើទិញនាវាចម្បាំង ២គ្រឿងបន្ថែមទៀត ក្នុងតម្លៃ ៣,១៨ពាន់លានអឺរ៉ូ (៣,៤៦ ពាន់លានដុល្លារ) នៅសប្ដាហ៍ក្រោយ។

កាលពីថ្ងៃចន្ទ (ទី៣ ខែមិថុនា) នៅភាគខាងជើងប្រទេសអាល្លឺម៉ង់ ក្នុងពិធីដាក់កំណល់ សម្រាប់នាវាចម្បាំង F126 ពោលគឺជានាវាទី១ ក្នុងចំណោមនាវា ៦គ្រឿង នាពេលឥឡូវនេះ រដ្ឋមន្ត្រីការពារជាតិអាល្លឺម៉ង់ លោក Boris Pistorius បានប្រកាសពីផែនការរបស់រដ្ឋាភិបាល ក្នុងការបញ្ជាទិញនាវាចម្បាំង ដែលតម្រូវឲ្យមានការអនុម័តយល់ព្រមពីសភា។

នាវាចម្បាំង F126 បង្កើតបាននូវដ៏ធាតុសំខាន់នៃអ្វីដែលគេហៅថា «Zeitenwende» (ការកែប្រែដែនសមុទ្រ) របស់ប្រទេសអាឡឺម៉ង់ នៅក្នុងគោលនយោបាយការពារជាតិ ដែលផ្តួចផ្តើមឡើងដោយអធិការបតី លោក Olaf Scholz។

នាវាទី១នៃនាវាចម្បាំងប្រភេទថ្មីនេះ ត្រូវបានគេរំពឹងថា នឹងបញ្ជូនទៅកាន់កងទ័ពជើងទឹកអាល្លឺម៉ង់ នៅឆ្នាំ២០២៨។ នាវានឹងមានសមត្ថភាពវាយប្រហារគោលដៅទាំងពីនៅផ្ទៃខាងលើ និងក្រោមទឹក។ ហើយយោងតាមប្រភពដដែលនោះ បានឲ្យដឹងថា នាវាចម្បាំង ២គ្រឿងបន្ថែម នឹងត្រូវបញ្ជូនទៅដល់នៅឆ្នាំ២០៣៣ និងឆ្នាំ២០៣៤៕