ភ្នំពេញ ៖ កិច្ចប្រជុំរដ្ឋមន្ត្រីអាស៊ាន បានបញ្ជាក់នូវការប្ដេជ្ញាចិត្តជាថ្មី ក្នុងការពង្រឹងកិច្ចសហប្រតិបត្តិការលើវិស័យវិទ្យាសាស្ត្រ បច្ចេកវិទ្យា និង នវានុវត្តន៍ សំដៅធានាឱ្យមានប្រសិទ្ធភាព នៃការអនុវត្តផែនការសហគមន៍អាស៊ានឆ្នាំ២០២៥ និងចក្ខុវិស័យសហគមន៍អាស៊ាន ឆ្នាំ ២០៤៥ ក្នុងការប្រឈមបញ្ហាជាសកល និងក្នុងតំបន់។

​តាមសេចក្តីថ្លែងការរួម នៃកិច្ចប្រជុំរដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍លើកទី២០ នៅថ្ងៃទី៧ ខែមិថុនា ឆ្នាំ២០២៤ នៅខេត្តសៀមរាប, ដែលដឹកនាំកិច្ចប្រជុំដោយ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍, ដោយកិច្ចប្រជុំនេះបានបង្ហាញការពេញចិត្តចំពោះវឌ្ឍនភាព នៃការអនុវត្តផលសេដ្ឋកិច្ចអាទិភាព (PED) ឆ្នាំ២០២៤ និងអាទិភាពប្រចាំឆ្នាំ (APs) នៃវិស័យវិទ្យាសាស្ត្រ បច្ចេកវិទ្យា និងនវានុវត្តន៍រួមមាន៖ ការអនុវត្តផលសេដ្ឋកិច្ចអាទិភាព គំនិតផ្តួចផ្តើម បង្កើតវេទិកាអប់រំអនឡាញអាស៊ាន សម្រាប់ឧស្សាហកម្ម ៤.០ សហការដឹកនាំដោយប្រទេសឡាវ កម្ពុជា និងថៃ, វេទិកាអនឡាញ គាំទ្រដល់ការអភិវឌ្ឍជំនាញសំខាន់ៗ និងការបណ្តុះធនធានមនុស្សសម្រាប់ឧស្សាហកម្ម ៤.០ ដែលផ្ដល់ផលវិជ្ជមានដល់សហគមន៍ អាស៊ាន។ អាទិភាពប្រចាំឆ្នាំ, គម្រោងបង្កើតមជ្ឈមណ្ឌលគ្រប់គ្រងបច្ចេកវិទ្យាអាស៊ាន (ដំណាក់កាលទី III) សហការដឹកនាំដោយ ប្រទេសកម្ពុជា និងឥណ្ឌូនេស៊ី, គំនិតផ្ដួចផ្ដើមនេះនឹងក្លាយជាវេទិកាផ្គូរផ្គង ការផ្ទេរបច្ចេកវិទ្យា ដែលផ្តួចផ្តើមគំនិតដំបូងដោយបង្កើន លទ្ធភាពទទួលបានបច្ចេកវិទ្យាសំខាន់ៗ នៅក្នុងអាស៊ាន។

ក្រៅពីវិធានខាងលើ, អាទិភាពប្រចាំឆ្នាំនេះ បានផ្តោតលើការបង្កើតយុទ្ធសាស្ត្រស្រាវជ្រាវហេដ្ឋារចនាសម្ព័ន្ធ ក្នុងតំបន់អាស៊ាន (ដំណាក់ កាលទីអាស៊ាន II) ដឹកនាំដោយប្រទេសថៃ។ យុទ្ធសាស្ត្រនេះត្រូវបានរំពឹងថា នឹងលើកកម្ពស់ហេដ្ឋារចនាសម្ព័ន្ធស្រាវជ្រាវ ទាំងអស់របស់រដ្ឋជាសមាជិក នៅត្រឹមចុងឆ្នាំ២០២៥ និងលើកកម្ពស់សមាហរណកម្មដ៏រលូននៃការចែករំលែកហេដ្ឋារចនាសម្ព័ន្ធ ដើម្បី ជំរុញការអភិវឌ្ឍវិទ្យាសាស្ត្រ បច្ចេកវិទ្យា និងនវានុវត្តន៍។ អាទិភាពប្រចាំឆ្នាំ មានគំនិតផ្តួចផ្តើមបង្កើតធុរកិច្ចថ្មីអាស៊ាន ដែលដឹកនាំ ដោយប្រទេសម៉ាឡេស៊ី ដោយបម្រើជាច្រករួមនៃប្រព័ន្ធអេកូឡូស៊ីធុរកិច្ចថ្មីអាស៊ាន គំនិតផ្តួចផ្តើមនេះផ្ដល់ព័ត៌មានអំពីធុរកិច្ចថ្មីក្នុង អាស៊ាន, សកម្មភាពពាក់ព័ន្ធដែលទាក់ទងនឹងសហគ្រិនភាពបច្ចេកវិទ្យា និងផ្នែកព័ត៌មាន, លើសពីនេះច្រករួមនេះ អនុញ្ញាតឱ្យធុរកិច្ច ថ្មី និងអ្នកវិនិយោគអាចទាក់ទងគ្នាទៅវិញទៅមក។

ក្រៅពីនេះ អាទិភាពប្រចាំឆ្នាំ មានគំនិតផ្តួចផ្តើមបង្កើតសហគមន៍ចល័តភាពអ្នកមានទេពកោសល្យអាស៊ាន (ASEAN Talent Mobility) ដែលដឹកនាំដោយប្រទេសថៃ, ចល័តភាពអ្នកមានទេពកោសល្យផ្នែកវិទ្យាសាស្ត្រ បច្ចេកវិទ្យា និងនវានុវត្តន៍អាចជួយ សម្រួលដល់ការផ្លាស់ប្តូរគំនិត ភ្ជាប់បណ្តាញជាអន្តរការី និងលើកម្ពស់ភាពខ្លាំងក្នុងស្រុក, ទន្ទឹមនឹងនោះ បង្កើនជំនាញសម្រាប់អ្នកមាន ទេពកោសល្យ។ ប្រព័ន្ធចល័តភាពអ្នកមានទេពកោសល្យអាស៊ាន ត្រូវបានរៀបចំឡើងដើម្បីផ្ដល់ឱកាសសម្រាប់អ្នកដែលមាន ទេពកោសល្យផ្នែកវិទ្យាសាស្ត្រ បច្ចេកវិទ្យា និងនវានុវត្តន៍របស់អាស៊ាន ក្នុងការប្រមូលផ្តុំ សហការ និងរួមចំណែកដល់កំណើនក្នុង តំបន់។ អាទិភាពប្រចាំឆ្នាំ, អនុវត្តគោលការណ៍ណែនាំ ស្តីពីការវាយតម្លៃភាពធន់នៃវិស័យថាមពលអាស៊ាន៖ ការកសាងសមត្ថភាព វាយតម្លៃភាពធន់នៃវិស័យថាមពល ដែលដឹកនាំដោយប្រទេសថៃ។ រដ្ឋជាសមាជិកអាស៊ាន នឹងរៀនសូត្រអំពីការវាយតម្លៃភាពធន់ នៃវិស័យថាមពល ដោយផ្អែកលើគោលការណ៍ណែនាំ ស្តីពីការវាយតម្លៃភាពធន់នៃវិស័យថាមពលរបស់អាស៊ាន តាមរយៈគម្រោង ដែលមានចំណងជើងថា “ការបណ្តុះបណ្តាលស្តីពីការវាយតម្លៃភាពធន់នវិស័យថាមពល៖ ឆ្ពោះទៅរកប្រព័ន្ធថាមពលដែលបន្សំ នឹង អាកាសធាតុ រួមជាមួយគោលការណ៍ជាច្រើនផ្សេងៗទៀត ដើម្បីជំរុញការអភិវឌ្ឍន៍វិទ្យាសាស្ត្រ បច្ចេកវិទ្យា និងនវានុវត្តន៍ឲ្យកាន់តែរីក ចម្រើន៕

អត្ថបទ៖ សុន រ៉ាឌី