ព្រឹត្តិការណ៍ដែលរៀបចំក្រោមប្រធានបទ "ថាមពលឡានឆាង-មេគង្គ និង​ជីវិតភ្លឺស្វាង​ជាមួយ​អគ្គិសនី" ត្រូវបានប្រារព្ធឡើងក៊ដោយមានការចូលរួមពីសិស្សសាលាបឋមសិក្សាស្រែគរ និងតំណាង​និស្សិតមកពីរាជបណ្ឌិត្យសភាកម្ពុជាសរុបប្រមាណ៥០នាក់។

ព្រឹត្តិការណ៍នេះដឹកនាំដោយយុវជនខ្មែរដ៏ល្បីឈ្មោះពីររូបគឺ សុភ័ក្ត្រ និងសៀនាង ដោយការ​នាំ​និស្សិត​ទៅ​ទស្សនាអគាររោងចក្រថាមពល និងផ្នែកខាងក្នុងនៃទំនប់ ដើម្បីសិក្សាពីគោលការណ៍ នៃ​ការ​បង្កើតវារីអគ្គីសនីនៅប្រទេសកម្ពុជា។

សិស្សដែលមកទស្សនៈកិច្ច បានថតរូប និងចែករំលែកព័​ត៌មាន​ដែលខ្លួនបាន​ចូលរួម​ទៅ​កាន់​សាធារណៈជន​បានយល់ដឹងផងដែរ។

យុវជន សុភ័ក្ត្រ បានសរសើរថា ពិតជាអស្ចារ្យណាស់ ហើយសូមអរគុណដល់​ស្ថានីយ៍វារីអគ្គិសនី​សេសាន​ក្រោម​២ដែលបាននាំមកនូវថាមពលស្អាតដល់ប្រជាជនកម្ពុជា និងលើកកម្ពស់​គុណភាព​ជីវិត​របស់​មនុស្សគ្រប់គ្នាប្រកបដោយប្រសិទ្ធភាព។

និស្សិតដែលបានមកចូលរួមបានបង្ហាញពីភាពរីករាយដែលបានមកទស្សនាគម្រោងថាមពលស្អាត​ដ៏ធំរបស់កម្ពុជា និងសរសើរ ព្រមទាំងថ្លែងអំណរគុណចំពោះ អាហារូបករណ៍Huaneng ដែល​បានជួយសម្រេចនូវក្តីសុបិនសិក្សារបស់ពួកគេ។

សូមបញ្ជាក់ថា ស្ថានីយ៍វារីអគ្គិសនីសេសានក្រោម២ គឺជាគម្រោង BOT (សាងសង់-ប្រតិបត្តិការ-ផ្ទេរសិទ្ធ) ដែលគ្រប់គ្រងដោយក្រុមហ៊ុន Huaneng Lancang Hydropower Co., Ltd. ដោយ​មាន​ការ​ចូលរួមពីក្រុមហ៊ុន Royal Group of Cambodia និង Vietnam Electric Power Company។

ជាគម្រោងវារីអគ្គិសនីធំជាងគេនៅប្រទេសកម្ពុជា ស្ថានីយថាមពលអគ្គិសនីនេះមានអនុភាពសរុប ៤០០.០០០ គីឡូវ៉ាត់ដែលស្មើនឹង ២០% នៃអនុភាពសរុបរបស់ប្រទេសកម្ពុជា ។ ទំនប់នេះ​មាន​ប្រវែង ៦.៥០០ ម៉ែត្រ និងត្រូវបានគេស្គាល់ថាជា « ទំនប់ដែល​វែង​ជាង​គេ​នៃ​ទំនប់​វារី​អគ្គិសនី​នៅ​អាស៊ី»​ ។ គិតត្រឹមថ្ងៃទី 31 ខែឧសភា នេះ ស្ថានីយ៍ថាមពល​អគ្គិសនី​បាន​ផ្គត់ផ្គង់​ថាមពល​អគ្គិសនី​បៃតង​ស្អាត​សរុបជាង 10.7 ពាន់លានគីឡូវ៉ាត់ម៉ោងដល់បណ្តាញអគ្គិសនីកម្ពុជា ដែលបានកាត់​បន្ថយ​ការ​ខ្វះខាតថាមពល ការពឹងផ្អែកលើការនាំចូលរបស់ប្រទេសកម្ពុជាយ៉ាងច្រើន ព្រមទាំង​បាន​លើក​កម្ពស់ក្នុងការអភិវឌ្ឍន៍សេដ្ឋកិច្ច និងសង្គមរបស់កម្ពុជាផងដែរ។

ចំណែកការផ្លាស់ទីលំនៅ និងការតាំងទីលំនៅថ្មីរបស់ប្រជាពលរដ្ឋនៅស្ថានីយ៍វារីអគ្គិសនី គឺជា​គម្រោង​ដ៏​ធំបំផុតក្នុងប្រវត្តិសាស្ត្ររបស់ប្រទេសកម្ពុជា ព្រមទាំងមាន​ប្រជាជន​ច្រើនជាង​គេ​ផង​ដែរ​។

ព្រឹត្តិការណ៍បើកទូលាយនេះគឺជាឆ្នាំទីប្រាំមួយដែលChina Huaneng បានប្រារ​ព្ធទិ​វា​បើក​ចំហជា​សាធារណៈ​នៅ​ក្នុងប្រទេសកម្ពុជាចាប់តាំងពីឆ្នាំ 2019 មក៕