ក្រសួងការបរទេសចិន និយាយនៅថ្ងៃអង្គារនេះថា នគរបាលចិន វិនិច្ឆ័យបឋមថា ករណីចាក់សាស្រ្តាចារ្យសហរដ្ឋអាមេរិក ៤រូប គឺជាឧបទ្ទេវហេតុដ៏កម្រកើតឡើងមួយ ហើយការស៊ើបអង្កេតកំពុងធ្វើឡើង ។

យោងតាមការអះអាងរបស់ក្រុមមន្រ្តីចិន និងសហរដ្ឋអាមេរិក បានឲ្យដឹងថា សាស្រ្តាចារ្យសហរដ្ឋអាមេរិក ៤រូបមកពីសាកលវិទ្យាល័យ Iowa បានរងរបួសក្នុងហេតុការណ៍ចាក់នៅសួនសាធារណៈ ស្ថិតក្នុងខេត្តភាគឦសាន Jilin ប្រទេសចិន ។

លោក Lin Jian គឺជាអ្នកនាំពាក្យក្រសួងការបរទេសចិន និយាយនៅក្នុងសន្និសីទសារព័ត៌មានថា ឧបទ្ទេវហេតុនេះ ពុំបានធ្វើឲ្យប៉ះពាល់ដល់ការប្រាស្រ័យទាក់ទងគ្នាធម្មតារវាងប្រជាជនចិន និងសហរដ្ឋអាមេរិកនោះឡើយ ។

លោក Lin បន្តថា វិធានការដ៏មានប្រសិទ្ធិភាពនឹងបន្តធ្វើ ដើម្បីធានាដល់សុវត្ថិភាពជនបរទេសនៅក្នុងប្រទេសចិន ៕