ក្រុមនគរបាល និយាយថា មនុស្ស ១០នាក់ រួមទាំងកុមារដែរនោះ រងការបាញ់ប្រហារ និងរងរបួសនៅក្នុងសួនកម្សាន្ត Water Park ស្ថិតនៅជិតទីក្រុង Detroit រដ្ឋ Michigan សហរដ្ឋអាមេរិក កាលពីល្ងាចថ្ងៃសៅរ៍ ហើយពួកគេ បានចាត់ទុកឧបទ្ទេវហេតុនេះថាជាករណីបាញ់ប្រហារដ៏កម្រមួយ ។ 

 ជនសង្ស័យនៅពុំទាន់បានចាប់ខ្លួននោះទេ កាលពីយប់ថ្ងៃសៅរ៍ ប៉ុន្តែក្រុមនគរបាល និយាយថា ពួកគេជឿថា ជនសង្ស័យត្រូវបានឡោមព័ទ្ធជាប់នៅក្នុងផ្ទះក្បែរនោះ ។ ចំណែកឯកាំភ្លើង ត្រូវបានរកឃើញនៅកន្លែងកើតហេតុ ។ 

 តម្រួតស្រុក Oakland លោក Michael Bouchard និយាយប្រាប់សន្និសីទសារព័ត៌មានថា បុរសម្នាក់ បានដើរចេញពីរថយន្តនៅមុខសួនកម្សាន្ត Brooklands Plaza Splash Pad ស្ថិតក្នុងទីក្រុង Rochester Hills រដ្ឋ Michigan កាលពីវេលាម៉ោង ៥ល្ងាច ម៉ោងក្នុងស្រុក ហើយនិងបានបាញ់ប្រហែល ៣០គ្រាប់ទៅលើជនរងគ្រោះ និងបានបញ្ចូលគ្រាប់ជាច្រើនលើកទៀត ។ 

 នគរបាលនិយាយថា គេនៅមិនទាន់ដឹងច្បាស់ភ្លាមៗនោះទេថាតើ មានគ្រោះថ្នាក់ដល់អាយុជីវិតឬយ៉ាងណានោះទេ ៕