លោក Yury Popov អនុប្រធានមជ្ឈមណ្ឌលរុស្ស៊ីសម្រាប់ការផ្សះផ្សានៃភាគីប្រឆាំង នៅក្នុងប្រទេសស៊ីរី បាននិយាយកាលពីថ្ងៃចន្ទថា យន្តហោះរបស់ក្រុមចម្រុះដឹកនាំដោយសហរដ្ឋអាមេរិក បានរំលោភលើដែនអាកាសរបស់ប្រទេសស៊ីរី នៅក្នុងតំបន់ al-Tanf ចំនួន ៨ដង ក្នុងអំឡុងពេលមួយថ្ងៃកន្លងទៅ។

លោកបាននិយាយថា៖«យន្តហោះរបស់ក្រុមចម្រុះប្រឆាំងភេរវកម្មអន្តរជាតិ ដែលដឹកនាំដោយសហរដ្ឋអាមេរិក បន្តបង្កើតស្ថានការណ៍ដ៏គ្រោះថ្នាក់ដែលអាចបណ្តាលឲ្យមានគ្រោះថ្នាក់ ឬឧបទ្ទវហេតុ និងធ្វើឲ្យស្ថានការណ៍នៅក្នុងដែនអាកាសរបស់ស៊ីរី កាន់តែតានតឹងឡើង។ «យន្តហោះចម្បាំងF-15 របស់សម្ព័ន្ធមិត្តមួយគូ យន្តហោះចម្បាំង Typhoon ពីរគូ និងយន្តហោះទម្លាក់គ្រាប់បែក A-10 Thunderbolt មួយគូ បានបំពានដែនអាកាសរបស់ប្រទេសស៊ីរី នៅក្នុងតំបន់ al-Tanf ដែលឆ្លងកាត់ផ្លូវអាកាសអន្តរជាតិរត់ចំនួន ៨ ដង ក្នុងអំឡុងថ្ងៃនោះ។

លើសពីនេះទៅទៀតនោះ តាមការលើកឡើងរបស់លោក ការបំពានចំនួន៧នៃកិច្ចព្រមព្រៀងកាត់បន្ថយជម្លោះកាលពីថ្ងៃទី៩ ខែធ្នូ ឆ្នាំ ២០១៩ ដែលភ្ជាប់ជាមួយនឹងការហោះហើរដោយានអាកាសគ្មានមនុស្សបើករបស់សហរដ្ឋអាមេរិក ត្រូវបានរាយការណ៍នៅក្នុងប្រទេសស៊ីរី ក្នុងរយៈពេល ២៤ម៉ោងកន្លងទៅនេះ។

លោក ក៏បាននិយាយផងដែរថា ក្នុងអំឡុងពេលថ្ងៃនោះ ការវាយប្រហារដោយគ្រាប់ផ្លោងចំនួនពីរលើទីតាំងឈរជរបស់កងកម្លាំងរដ្ឋាភិបាលពីទីតាំងរបស់ក្រុមជ្រុលនិយម Jabhat al-Nusra និងគណបក្សឥស្លាម Turkestan (ដែលទាំងពីរនេះ គឺក្រៅច្បាប់នៅក្នុងប្រទេសរុស្ស៊ី) ត្រូវបានរាយការណ៍ នៅក្នុងតំបន់កាត់បន្ថយភាពតានតឹង Idlib។