ឯកអគ្គរដ្ឋទូតស្វីស លោកហ្គាប្រ៊ីយ៉ែល លូជិនហ្គើ (Gabriel Luechinger) បាននិយាយថា សន្និសិទបន្ទាប់ស្តីពីជម្លោះអ៊ុយក្រែននឹងមិនប្រព្រឹត្តទៅនៅក្នុងទឹកដីរបស់ប្រទេសលោកខាងលិចទេ។ អ្នកការទូតជាន់ខ្ពស់ ដែលបានជួយរៀបចំព្រឹត្តិការណ៍ជួបជុំកាលពីថ្ងៃទី១៥-១៦ខែមិថុនាចុងសប្តាហ៍មុននៅឯរមណីយដ្ឋានប៊ហ្គិនស្តុក(Burgenstock) របស់ប្រទេសស្វីស បានបង្ហាញថា ការពិភាក្សាអំពីថាតើប្រទេសណានឹងត្រូវធ្វើជាម្ចាស់ផ្ទះរៀបចំជំនួបបន្ទាប់ កំពុងបន្ត។

នៅក្នុងដំណើរការព្រឹត្តិការណ៍នេះ ប្រទេសមួយចំនួនបានបដិសេធមិនចូលរួម ដោយប្រទេសចិនបានប្រកាសថាខ្លួន ពុំបញ្ជូនអ្នកតំណាងទៅប្រទេសស្វីសឡើយ។ ទីក្រុងប៉េកាំងបានប្រកែកថាអវត្តមានរបស់រុស្ស៊ីជាភាគីជម្លោះនៅក្នុងសន្និសីទនឹងធ្វើឱ្យការពិភាក្សាណាមួយគ្មានប្រយោជន៍ ជាការអះអាងដែលគាំទ្រដោយប្រទេសមួយចំនួន។

ទីក្រុងមូស្គូបាននិយាយកាលពីខែមីនាថា ខ្លួននឹងមិនចូលរួមទេ ទោះបីជាមានការអញ្ជើញក៏ដោយ ព្រោះទំនងជាផ្អែកលើ "រូបមន្តសន្តិភាព" ដឹកនាំអ៊ុយក្រែន លោក Vladimir Zelensky ដែលរុស្ស៊ីចាត់ទុកថាជារឿងមិនពិត ។

នៅក្នុងបទសម្ភាសន៍ជាមួយទូរទស្សន៍ SRF របស់ប្រទេសស្វីសកាលពីថ្ងៃចន្ទសប្ដាហ៍នេះ លោក លូជិនហ្គើ បាននិយាយថា អ្វីដែលច្បាស់នោះគឺថា កិច្ចប្រជុំកំពូលសន្តិភាពបន្ទាប់នឹងមិនមាននៅក្នុងទ្វីបអឺរ៉ុប ហើយនឹងមិនធ្វើឡើងនៅលោកខាងលិចនោះទេ។ អ្នកការទូតជាន់ខ្ពស់រូបនេះបានបង្ហើបថា ប្រទេសជាច្រើនត្រូវបានជិតឈានដល់ការសម្រេចលើតួនាទីដ៏មានសារៈសំខាន់ក្នុងការរៀបចំកិច្ចប្រជុំកំពូលបន្ទាប់៕